اتالعان دەرەك بويىنشا قر قك-ءنىڭ 135-بابى 1-بولىگىمەن (كامەلەتكە تولماعاندار ساۋداسى) سوتقا دەيىنگى تەرگەۋ امالدارى باستالدى. جامبىل وبلىسى پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە تاراز قالالىق كوپبەيىندى اۋرۋحاناسىنىڭ ەكى اكۋشەرىن انىقتاپ, ۇستادى.
«تەرگەۋ شارالارى بارىسىندا جاڭا تۋعان قىزدى اكۋشەر ماماندار 39 جاستاعى تاراز تۇرعىنىنا 1,5 ملن تەڭگەگە ساتىپ جىبەرگەنى بەلگىلى بولدى. قر قپك-ءنىڭ 128-بابىنا سايكەس اتالعان ايەلدەر ۋاقىتشا ۇستاۋ يزولياتورىنا قاماۋعا الىندى. ال بالانى ساتىپ الۋشىعا قاتىستى قولحاتپەن بوساتۋ تۇرىندەگى بۇلتارتپاۋ شاراسى تاعايىندالدى», دەلىنگەن حابارلامادا.
نارەستە تاراز قالاسىنىڭ سابيلەر ۇيىنە ورنالاستىرىلدى. تەرگەۋ جالعاسىپ جاتىر.
