«2021 جىلى تۇلەكتەردىڭ جالپى سانى 81 393 ادامدى قۇرادى. رەيتينگ وبەكتيۆتى اقپاراتقا نەگىزدەلگەن. ءبىز بارلىق تۇلەكتەردى زەينەتاقى اۋدارىمدارىنىڭ بولۋىنا قاراي تالدايمىز. بۇل وبەكتيۆتى كريتەري, سوندىقتان رەيتينگ بارىنشا شىنايى دەپ ايتۋعا بولادى», دەدى «اتامەكەن» ۇلتتىق كاسىپكەرلەر پالاتاسىنىڭ باسقارۋشى ديرەكتورى ازامات بەيسەنبەنوۆ.
تالداۋ مالىمەتتەرى بويىنشا, 9,2 مىڭنان استام تۇلەك ماگيستراتۋرادا وقۋىن جالعاستىردى, 3,7 مىڭعا جۋىعى بالا كۇتىمى بويىنشا دەمالىسقا كەتتى, 254 تۇلەك وقۋدى بىتىرگەننەن كەيىن اسكەر قاتارىنا قوسىلدى.
سپيكەردىڭ ايتۋىنشا, جوو تۇلەكتەرىنىڭ جۇمىسقا ورنالاسۋ كورسەتكىشى جىلدان جىلعا ارتىپ كەلەدى. بيىلعى جىلى جۇمىسقا ورنالاسۋدىڭ ورتاشا پايىزى 79%-دى قۇرادى. قولعا ديپلوم العان ساتتەن باستاپ 12 كۇنتىزبەلىك اي ىشىندە جۇمىسقا ورنالاسقان تۇلەكتەردىڭ 67%-ى تۇراقتى زەينەتاقى جارنالارىن اۋدارىپ وتىرادى, تاعى 12%-ى شارتتى جۇمىسپەن قامتىلعان.
