سۋرەتتەردى تۇسىرگەن يگور بۋرگاندينوۆ
اقپارات جانە قوعامدىق دامۋ مينيسترلىگىنىڭ ۇيىمداستىرۋىمەن ءوتىپ جاتقان وڭىرلىك باق فورۋمىن اقپارات كوميتەتىنىڭ توراعاسى قانات ىسقاقوۆ اشتى.
«فورۋم بارىسىندا مەديا سالاسىندا تۋىنداعان بىرقاتار ماسەلەنى قىزۋ تالقىلاۋ, وي-پىكىرلەردى ورتاعا سالۋ جوسپارلانىپ وتىر. ءىس-شارانىڭ باستى ماقساتى - زاماناۋي مەديا سالاسى بويىنشا وڭتايلى تاسىلدەر قاراستىرىپ, ءبىر-بىرىمىزبەن تاجىريبە الماسۋ, وعان قوسا مەرزىمدى ءباسپاسوز سالاسىنداعى وزەكتى ماسەلەلەر بويىنشا پىكىرتالاس الاڭىن ۇيىمداستىرۋ. مەملەكەت باسشىسى قاسىم-جومارت توقاەۆ قازاقستان حالقىنا جولداعان جولداۋىندا بۇگىندە باق باسەكەگە قابىلەتتى ءارى ەركىن بولۋى كەرەك ەكەنىن اتاپ ءوتتى. بۇل قاعيدات كەز كەلگەن وركەنيەتتى مەملەكەت ءۇشىن ماڭىزدى بولىپ قالا بەرمەك», دەدى مودەراتور فورۋمنىڭ اشىلۋ سالتاناتىندا.
قانات ىسقاقوۆتىڭ ايتۋىنشا, بۇگىندە مەرزىمدى ءباسپاسوز سالاسىندا باسەكەگە قابىلەتتى بولۋ ءۇشىن اقپاراتتىڭ ساپاسىنا ايرىقشا نازار اۋدارۋ قاجەت.
سونداي-اق ول قازاقستانداعى مەديانى ودان ءارى دامىتۋ ءۇشىن مينيسترلىك جىل سايىن وتكىزىپ وتىراتىن «تۇمار» مەن Astana Media Week ءىس-شارالارىندا وڭىرلىك باق سالاسىنا قاتىستى ماسەلەلەر قوزعالاتىنىن اتاپ ءوتتى.
