«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابى 9-تارماعىنىڭ تالاپتارىنا سايكەس سايلاۋعا بايلانىستى قوعامدىق پىكىرگە ساۋالناما جۇرگىزۋدى قازاقستان رەسپۋبليكاسىنىڭ زاڭناماسىندا تارتىپپەن تىركەلگەن, ءتيىستى قۇجاتتاردىڭ كوشىرمەلەرىن قوسا بەرە وتىرىپ, زاڭدى تۇلعالار جۇزەگە اسىرا الادى.
ورتالىق سايلاۋ كوميسسياسىنا جىبەرىلەتىن حابارلامادا ساۋالناماعا قاتىساتىن جانە وسى سالادا تاجىريبەسى بار ماماندار تۋرالى, قوعامدىق پىكىرگە ساۋالناما جۇرگىزىلەتىن وڭىرلەر تۋرالى, قولدانىلاتىن تالداۋ ادىستەرى تۋرالى مالىمەتتەر كورسەتىلەدى.
سايلاۋعا, بۇقارالىق اقپارات قۇرالدارىندا, ينتەرنەت-پلاتفورمالاردا سايلاۋعا بايلانىستى قوعامدىق پىكىرگە ساۋالناما ناتيجەلەرىن جاريالاۋ كەزىندە ساۋالناما جۇرگىزگەن زاڭدى تۇلعانى, ساۋالناما جۇرگىزۋگە تاپسىرىس بەرگەن جانە ونىڭ اقىسىن تولەگەن تۇلعالاردى, ساۋالناما جۇرگىزۋ ۋاقىتىن, جيناۋ ءادىسىن كورسەتۋ مىندەتتى.
داۋىس بەرۋ كۇنىنە بەس كۇن قالعاندا (2023 جىلدىڭ 14 ناۋرىزىنان 18 ناۋرىزىنا دەيىن) قوعامدىق پىكىرگە ساۋالناما ناتيجەلەرىن, سايلاۋ ناتيجەلەرىنىڭ بولجامدارىن, كانديداتتاردى نەمەسە ساياسي پارتيالاردى قولداۋعا, وزگە دە زەرتتەۋلەردى ينتەرنەتتە جاريالاۋعا جول بەرىلمەيدى.
سايلاۋعا بايلانىستى قوعامدىق پىكىرگە ساۋالناما جۇرگىزۋ شارتتارىن بۇزۋ ادامدى اكىمشىلىك جاۋاپكەرشىلىككە تارتۋعا نەگىز بولادى (اقبتك-ءنىڭ 120-بابى).
بۇعان دەيىن ءماجىلىس دەپۋتاتتارىنىڭ كەزەكتەن تىس سايلاۋى 2023 جىلدىڭ 19 ناۋرىزىندا وتەتىنى حابارلانعان ەدى.
بۇعان دەيىن مەملەكەت باسشىسى قاسىم-جومارت توقاەۆ پارلامەنت ءماجىلىسى مەن ءماسليحاتتار دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى مالىمدەمە جاساعان.
سونداي-اق قازاقستان رەسپۋبليكاسىنىڭ پرەزيدەنتى جەتىنشى سايلانعان قازاقستان رەسپۋبليكاسى پارلامەنتى ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويعان ەدى.
كەيىن مەملەكەت باسشىسى بارلىق دەڭگەيدەگى ءماسليحاتتاردىڭ وكىلەتتىگىن مەرزىمىنەن بۇرىن توقتاتۋ تۋرالى جارلىققا قول قويدى.
