قوعام • 24 قاڭتار، 2023

IQALA كوممۋنالدىق قىزمەتتى ۇيلەستىرەدى

15 رەت كورسەتىلدى

قازىرگى تاڭدا ونلاين جۇيە كوپتەگەن قىزمەتتى وڭايلاتتى. بۇل رەتتە «تسيفرلاندىرۋ، عىلىم جانە يننوۆاتسيالار ەسەبىنەن تەحنولوگيالىق سەرپىلىس» ۇلتتىق جوباسىنىڭ ماڭىزى زور. 2022-2025 جىلدارعا جوسپارلانعان جوبانىڭ بىلتىر العاشقى جىلى مارەگە جەتتى. قاراعاندى ايماعىندا وسى باعىتتا جوسپارلى جۇمىستار جۇزەگە استى.

جاقىندا تۇرعىن ءۇي كوممۋنالدىق شارۋاشىلىق سالاسىندا اقىلدى ساندىق تەحنولوگيانىڭ تىڭ جوباسى ىسكە قوسىلدى. ەندى بۇدان بىلاي تۇرعىندار كوممۋنالدىق ۇيىم­دارعا ونلاين جۇگىنە الادى. قارا­عان­دىلىقتار ءۇشىن IQALA سايتى كوم­مۋنالدىق قىزمەتتەردى ونلاين ۇسىنادى. اتاپ ايتقاندا، جاڭا جۇيە ارقىلى ۇيدە وتىرىپ-اق كوم­مۋنالدىق قىزمەت تۋرالى شارت جاساسۋ، اقى تولەۋ جانە باسقا دا قىز­مەت­تەردى ونلاين ىسكە اسىرۋعا بولادى.

جوبانى ازىرلەۋشىلەر الداعى ۋاقىتتا پورتالدىڭ قىزمەت كورسەتۋ اۋقىمى كەڭەيە تۇسەتىنىن العا تارتتى. بۇگىندە پورتالدا 26 قىزمەت ءتۇرى بار. بۇل قىزمەتتەر قالاداعى ءىرى مونوپوليست ءۇش كومپانيا – «قاراعاندى جارىق» جشس، «تەپلوترانزيت-قاراعاندى» جشس، «قاراعاندىەنەرگو سالاسى» كومپانياسىنا تيەسىلى.

اقپاراتتاندىرۋ، مەملەكەتتىك قىزمەتتەر كورسەتۋ جانە مۇراعاتتار باسقارماسىنىڭ باسشىسى رۋستام بايجانوۆتىڭ ايتۋىنشا، اتالعان پورتالدىڭ باستى مىندەتى – قىزمەت كورسەتۋ ۇدەرىسىن اۆتوماتتاندىرۋ، قاعازباستىلىقتى جويۋ، قىزمەت بەرۋشىمەن تۇتىنۋشىنىڭ بايلانىسىن جانە سىبايلاس جەمقورلىق تاۋەكەلدەرىن بولدىرماۋ. تۇرعىن ءۇي-كوممۋنالدىق شارۋاشىلىق سالاسىن تسيفرلاندىرۋداعى اتالعان جوبا ەلىمىزدىڭ بىرقاتار قالاسىندا قازىر ءساتتى قولدانىلىپ جاتىر.

– بىرىڭعاي ورتالىق قۇرۋ تۇتىنۋ­شىلاردىڭ مونوپوليستەرمەن قارىم-قاتىناسىن جەڭىلدەتەدى. تۇرعىندار ۋاقىتىن ۇنەمدەيدى. بارلىق ءوتىنىش قىسقا مەرزىمدە پىسىقتالۋعا ءتيىس. ەگەر جۇيەدە ولقىلىقتار ورىن السا، ولاردى دەرەۋ تولىقتىرۋ قاجەت. مەيلىنشە قىزمەتتىڭ كوپتەگەن ءتۇرى تسيفرلانۋعا ءتيىس، – دەيدى وبلىس اكىمى ەرماعانبەت بولەكپاەۆ.

جالپى، قاراعاندى وبلىسىنىڭ تسيفرلاندىرۋعا قاتىستى جەتىستىگى ءبىرشاما. ماسەلەن، تسيفرلاندىرۋ سالاسىندا جىل سايىن وتەتىن «IT KPMG Tech Awards» ماراپاتتاۋ سالتاناتىندا دا مارتەبەسى تاسىدى. دالىرەك ايتقاندا، «GovTech Professional of the Year» («ەلدى تسيفرلاندىرۋعا ۇلەس قوسقان جىلدىڭ مەملەكەتتىك قى­ز­مەتشىسى») نوميناتسياسىندا قا­راعاندى ايماعى «تەرريكوندى القاپ» IT-حاب جوباسىمەن جەڭىسكە جەتكەنى ءمالىم. بۇعان قوسا «قاۋىپسىز قالا» جوباسىنىڭ ءساتتى ىسكە اسىپ، «سەنىم 109» جۇيەسىنىڭ تابىستىلىعىن دا اتاپ وتكەن ءجون.

 

قاراعاندى 

سوڭعى جاڭالىقتار

قىراۋدان جازىلعان حات

ادەبيەت • بۇگىن، 22:20

چەمپيوندار اۋىلدان شىعادى

ايماقتار • بۇگىن، 22:18

ايتماتوۆ ەلىنە ساياحات

تاريح • بۇگىن، 22:09

ناۋەن حازىرەتتىڭ ءمورى

جادىگەر • بۇگىن، 22:06

زاڭعار بيىكتەن كورىندى

تەننيس • بۇگىن، 22:00

قورجىندا قوس جۇلدە

سپورت • بۇگىن، 21:17

مىسىردا مىقتىلىق تانىتتى

سپورت • بۇگىن، 21:17

ەرتەڭ ەكى وبلىستا تۇمان تۇسەدى

اۋا رايى • بۇگىن، 20:36

ۇقساس جاڭالىقتار