ەكونوميكا • 24 قاڭتار، 2023

وتاندىق ونىمدەر – Alibaba الاڭىندا

31 رەت كورسەتىلدى

قازاقستاندا «ەكسپورتتىق اكسەلەراتسيا-2023» باعدارلاماسىنا قاتىسۋ، وتاندىق تاۋار وندىرۋشىلەردى Alibaba حالىقارالىق ەلەكتروندىق پلاتفورماسىنا شىعارۋ، سونداي-اق حالىقارالىق ساۋدا ءىس-شارالارىنا قاتىسۋ ءۇشىن كاسىپكەرلەردى ىرىكتەۋ باستالماق. جوبالاردى ساۋدا جانە ينتەگراتسيا مينيسترلىگى QazTrade-مەن بىرلەسىپ جۇزەگە اسىرىپ جاتىر.

بيىل «ەكسپورتتىق اكسەلەراتسيا» باعدار­لا­ماسى اياسىندا ەكسپورتتىق الەۋەتى جوعارى 110 قازاقستاندىق كومپانيا ىرىكتەل­مەك. بيزنەس وكىلدەرىنىڭ وتىنىمدەرى 2023 جىلعى 23 قاڭتاردان باستاپ قابىلدانا باستايدى. «QazTrade» ساۋدا ساياساتىن دامىتۋ ورتالىعى باس ديرەكتورىنىڭ ورىنباسارى اسەل ەگەمبەرديەۆانىڭ ايتۋىنشا، قاتى­سۋ­شى­لاردى «ەكسپورتقا جاڭادان كەلگەندەر» جانە «بەلسەندىلەر» دەپ ەكى توپقا ءبولۋ كوزدەلىپ وتىر.

– «جاڭادان كەلگەندەرگە» ەكسپورتقا شىعۋعا دايىندىق ءۇشىن وقىتۋ شەبەرلىك سىنىپتارى وتكىزىلەدى، قادامدىق نۇسقاۋلىقتار مەن ۇسىنىمدار ازىرلەنەدى. سونداي-اق تاجىريبەلى ماماندار ءوز بيزنەسىنە دياگنوس­تيكا جاسايدى جانە تاۋار وندىرۋشىلەرگە ەڭ ءتيىمدى وتكىزۋ نارىعىن ۇسىنادى. ءداستۇرلى تۇردە كاسىپكەرلەر ءۇشىن قازاقستاندىق ەكسپورتتاۋشىلاردى قولدايتىن حالىقارالىق كونسۋلتانتتارمەن، مەملەكەتتىك ۆەدومستۆولارمەن كەزدەسۋلەر ۇيىمداستىرىلادى، – دەيدى اسەل ەگەمبەرديەۆا.

ءوز كەزەگىندە جۇمىس ىستەپ تۇرعان ەكس­پورت­تاۋشى كومپانيالار بەلسەندى ۆ2ۆ كەلىسسوزدەرگە قاتىسا الادى، سونىڭ ىشىندە ولاردى جۇرگىزۋ ەرەجەلەرىن ۇيرەنەدى. جىل بويى كاسىپكەرلەر QazTrade ساراپشىلارى مەن حالىقارالىق تالداۋشىلاردىڭ سۇيەمەلدەۋىمەن ىسكەر سەرىكتەستەرمەن كەزدەسەدى.

2023 جىلى قازاقستاندا شىعارىلعان تاۋارلار ءۇشىن باسىم نارىقتاردىڭ تىزبەسى ايتارلىقتاي كەڭەيدى. رەسەي، قىتاي، وزبەك­ستان، ازەربايجان سياقتى قازاقستاندىق ەكسپورتقا ارنالعان ءداستۇرلى ەلدەردەن باسقا وتاندىق تاۋار وندىرۋشىلەرگە تۇركيا، ساۋد ارابياسى، بىرىككەن اراب امىرلىكتەرى جانە ۆەتنام نارىقتارى ۇسىنىلاتىن بولادى.

وتاندىق وندىرۋشىلەر Alibaba حالىق­ارالىق ساۋدا الاڭى ارقىلى دا جاڭا نا­رىق­تاردى يگەرۋدە تەگىن كومەك الا الادى. ەكسپورتتاۋشىلاردى قولداۋ شارالارى رەتىندە 70 وتاندىق كومپانياعا وسى پلاتفورمادا 1 جىل مەرزىمگە «Gold Supplier» مارتەبەسى بار اككاۋنت بەرىلەدى. ارنايى ءونىم بەرۋشىنىڭ مارتەبەسى كاسىپكەرلەرگە جاھاندىق اۋديتورياعا قول جەتكىزۋگە جانە تاۋارلاردىڭ شەتەلدە تانىلۋىن ارتتىرۋعا مۇمكىندىك سىيلايدى.

«ەكسپورتتاۋشىلاردى سەرۆيستىك قولداۋ شەڭبەرىندە 10 ەلدە ساۋدا-ەكونوميكالىق ميسسياسىن وتكىزۋ، بىرىڭعاي ۇلتتىق ستەند فور­ماتىندا حالىقارالىق كورمەلەردە ەكس­پورت­تىق الەۋەتتى تانىستىرۋ جوسپار­لان­عان. ءىس-شارانىڭ نەگىزگى ماقساتى – قازاقستاندىق كاسىپورىندار مەن الەۋەتتى يمپورتتاۋشىلار، ترەيدەرلەر مەن ديستريبيۋتورلار اراسىندا تىكەلەي بايلانىس ورناتۋ جانە ساۋدا قاتىناستارىن جانداندىرۋ»، دەپ مالىمدەدى مينيسترلىك.

2022 جىلدىڭ قورىتىندىسى بويىنشا QazTrade باعدارلامالارىنا قاتىسۋشىلار 700 ملن دوللاردان استام سوماعا تاۋارلار مەن قىزمەتتەردى جەتكىزۋگە ۇزاق مەرزىمدى كەلى­سىم­شارتتار جاساستى. ولاردىڭ ونىمدەرى بۇگىندە رەسەي، قىتاي جانە ورتالىق ازيا، تاياۋ شىعىس ەلدەرىنىڭ نارىقتارىنا ءساتتى ەكسپورتتالىپ جاتىر.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار