كورمەدەگى سۋرەتتەردەن سەمەيدىڭ ءحVىىى-ءحىح عاسىرلاردا بوي كوتەرگەن جەر ۇيلەرىن, ەسكى عيماراتتارىن كورۋگە بولادى. نەگىزى قارت قالا عاسىردان اسقان ۇيلەرىمەن, عيماراتتارىمەن ەرەكشە. مۇندا كەشەگى الاش زيالىلارىنىڭ تابى قالعان جەرلەر قانشاما؟ سونىڭ ءبارىن قاز-قالپىندا بەينەلەپ جۇرگەن رۋسلاننىڭ ەڭبەگى وتە زور.
– جىل سايىن قالا جاڭارىپ كەلەدى. كونە ۇيلەر ءسۇرىلىپ, ورنىنا ساۋدا ورىندارى سەكىلدى قىزىلدى-جاسىلدى عيماراتتار كوتەرىلىپ جاتىر. وتكەن عاسىرداعى ۇيلەردىڭ جوق دەگەندە تەرەزەلەرى جاڭارتىلادى. سۋرەتشى بولعان سوڭ قارت قالانى قاز-قالپىندا قاعازعا ءتۇسىرىپ, تاريحتا قالدىرعىم كەلەدى, – دەيدى سۋرەتشى رۋسلان شاقاباەۆ.
«تەرەزەلەر» اتتى جەكە شىعارماشىلىق كورمەگە رۋسلان شاقاباەۆ 58 جۇمىسىن ۇسىنعان. ايتا كەتەرلىگى, كەيىپكەرىمىزدىڭ ماماندىعى سۋرەتشى بولعانىمەن, جۋرناليستيكا سالاسىندا قىزمەت ەتىپ كەلە جاتقانىنا 20 جىلدان استى.
سۋرەتشىنىڭ تۋىندىلارىنان ەسكىلىكتىڭ لەبى بايقالادى. بەينە ءبىر سەمەي شاھارىن ارالاپ جۇرگەندەي كۇيگە تۇسەسىڭ. ونىڭ ۇستىنە, رۋسلان «تاتار سلابوداسى» اتالىپ كەتكەن قالانىڭ كونە اۋدانىندا تۇرادى. سوعان قاراپ, قولىنا قارىنداشتى قالانىڭ رۋحىن سەزىنىپ بارىپ العان با دەرسىڭ. ايتپەسە, كوپشىلىكتىڭ نازارىن اۋداراتىنداي كارتينالار شىقپاس ەدى. سۋرەتشىنىڭ ايتۋىنشا, ول ءاۋ باستا ۇيلەردىڭ تەرەزەلەرىن سالا باستاعان. ادامنىڭ ىشكى جان دۇنيەسى كوزىندە بولسا, قالانىڭ شىنايى تىرشىلىگى تەرەزەلەردىڭ ارعى جاعىندا. ءار تەرەزەدە ءار- ءتۇرلى تاعدىر, سان ءتۇرلى ءومىر.
سەمەي
