پرەزيدەنت • 24 قاڭتار، 2023

پرەزيدەنت بىرقاتار مەملەكەتتىڭ ەلشىلەرىنەن سەنىم گراموتالارىن قابىلدادى

56 رەت كورسەتىلدى

«اقوردا» رەزيدەنتسياسىندا ءتورت ەلدىڭ توتەنشە جانە وكىلەتتى ەلشىلەرىنىڭ مەملەكەت باسشىسىنا سەنىم گراموتالارىن تاپسىرۋ ءراسىمى ءوتتى، دەپ حابارلايدى Egemen.kz اقورداعا سىلتەمە جاساپ.

سەنىم گراموتالارىن شۆەتسيا كورولدىگىنىڭ ەلشىسى ەۆا ۋلريكا پۋلانو، گرۋزيانىڭ ەلشىسى نيكولوز لالياشۆيلي، ميانما وداعى رەسپۋبليكاسىنىڭ ەلشىسى لۆين ۋ جانە كيپر رەسپۋبليكاسىنىڭ ەلشىسى كيپروس يورگالليس تاپسىردى.

قاسىم-جومارت توقاەۆ ەلشىلەردى قازاقستانداعى ديپلوماتيالىق ميسسياسىنىڭ رەسمي تۇردە باستالۋىمەن قۇتتىقتاپ، ەكىجاقتى بايلانىستاردى ودان ءارى نىعايتۋ جۇمىستارىنا تابىس تىلەدى.

مەملەكەت باسشىسى قازاقستاننىڭ دوستىق جانە ءوزارا ءتيىمدى قارىم-قاتىناستاردى نىعايتۋعا باعىتتالعان بەيبىت ءارى اشىق سىرتقى ساياسات جۇرگىزىپ وتىرعانىن ايتتى. مەملەكەت باسشىسى ديپلوماتتاردىڭ يگى ميسسيالارىن ورىنداۋى كەزىندە قازاقستان ۇكىمەتى تاراپىنان جان-جاقتى قولداۋ كورسەتىلەتىنىن اتاپ ءوتتى.

ءراسىم سوڭىندا قاسىم-جومارت توقاەۆ ەلشىلەرگە تابىس تىلەپ، ولاردىڭ مەملەكەتتەرىنىڭ باسشىلارىنا ىزگى تىلەگى مەن سالەمىن جولدادى.

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ءوندىرىس كولەمى كەمىگەن

قازاقستان • بۇگىن، 08:58

ۇقساس جاڭالىقتار