سايلاۋ – قوعامدا الاڭداۋشىلىق تانىتىپ وتىرعان ماسەلەلەردى كوتەرۋگە مۇمكىندىك بەرەدى. سايلاۋشىلاردىڭ قولداۋىنا سەنىم ارتىپ وتىرعان كانديداتتار بارلىق تاراپتىڭ پىكىرى مەن مۇددەسىن ەسكەرىپ, حالىقتىڭ ءال-اۋقاتىن جاقسارتۋدىڭ جولدارىن ىزدەۋى كەرەك. جوعارى وقۋ ورىندارىنىڭ عالىمدارى مەن وقىتۋشىلارىندا «اكادەميالىق ەركىندىك» دەگەن تۇسىنىك بار. ول بارلىق ستۋدەنتتەرگە قاراستىرىلاتىن تاقىرىپ بويىنشا سۇراق قويۋعا, پىكىرتالاس جۇرگىزۋگە جانە سول تاقىرىپ بويىنشا ءوز كوزقاراستارىن جەتكىزۋگە مۇمكىندىك بەرەدى. ارينە, مۇنداي ديالوگ كەيدە ورىنسىز نەمەسە جاعىمسىز دا بولۋى مۇمكىن. دەگەنمەن دە ءارتۇرلى يدەيالاردى تالقىلاۋ مۇمكىندىگى عىلىمنىڭ اقيقاتىن اشۋعا كومەكتەسەدى.
الداعى سايلاۋدا حالىقتىڭ سەنىمىنە يە بولعان ازاماتتار بيلىككە كەلىپ, قازاقستان بۇدان دا كۇشتى ءارى تۇراقتى, زاڭ مەن ادىلەتتىلىكتى قاتاڭ ساقتايتىن مەملەكەت بولاتىنىنا سەنىم مول. كەز كەلگەن ەلدىڭ العا قاراي دامۋى مەن ەكونوميكالىق نىعايۋى وسىنداي فاكتورلارعا تىكەلەي بايلانىستى, دەمەك ءبىزدىڭ ارقايسىسىمىزدىڭ ءال-اۋقاتىمىزدىڭ جاقسى بولۋى دا وسىعان كەلىپ تىرەلەدى.
مەيرام بەگەنتاەۆ,
ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ رەكتورى
