جوبا بويىنشا كەشەن كۇن مەن جەل ەنەرگياسىنان جانە جاڭبىردان قۋات الادى. وعان قوسا ارنايى QR-كود ورناتىلادى. بۇل قۇرىلعىنى اتالعان ۋنيۆەرسيتەتتە «ينفورماتيكا» ماماندىعى بويىنشا ءبىلىم الىپ جۇرگەن داۋلەتبەك اعزام قىتايلىق جوبا نەگىزىندە جاساپ شىعاردى. ونىڭ ايتۋىنشا, تۇرعىندار قوقىستى جاي عانا تاستاماي, ول ءۇشىن اقشا دا الادى. ياعني ءار قوقىستىڭ ماتەريالى, سالماعىنا بايلانىستى ەسەپشوتقا قارجى تۇسەدى. QR-كود قوقىس تاستاۋشىعا تولەم قىزمەتىن اتقارادى. وسىلايشا پايدا تابۋ ارقىلى ازاماتتاردىڭ ەكولوگيالىق مادەنيەتىن قالىپتاستىرۋ – جوبانىڭ ءبىر ماقساتى.
ماگيسترانتتىڭ جوباسى وسكەمەن قالالىق اكىمدىگى ۇسىنعان «تازا قالا» جوباسىنان وزگەشە. داۋلەتبەك اعزام تاماق قالدىقتارى سالىناتىن كونتەينەرگە ارنايى جەلدەتۋ جۇيەسى بار سالقىنداتقىش ورناتىپ, جاعىمسىز ءيىستىڭ اۋاعا تارالۋىنىڭ الدىن الادى. جاس ونەرتاپقىش بۇل جوباسىن بۇدان ءارى دامىتۋ ءۇشىن قىتايعا بارۋدى جوسپارلاپ وتىر. تەك جەرگىلىكتى اتقارۋشى ورگانداردىڭ قولداۋى قاجەت.
داۋلەتبەكتىڭ بۇل جوباسى تۇركياداعى EXPO حالىقارالىق STEM-فەستيۆالىندە كوپشىلىك نازارىنا ۇسىنىلىپ, سالالىق نارىق ساراپشىلارىنان جوعارى باعا العان ەدى.
