«حالىق قاتىساتىن بيۋدجەت» جوباسى ەلوردا تۇرعىندارىنا جۇمىستىڭ بارلىق كەزەڭىندە اۋلالار مەن ءۇي ماڭىنداعى اۋماقتاردى دامىتۋعا جانە اباتتاندىرۋعا تىكەلەي ارالاسۋىنا مۇمكىندىك بەرەدى.
وتكەن جىلى الماتى اۋدانىندا اتالمىش جوباعا قاتىسۋعا 54 ءوتىنىم بەرىلدى, ونىڭ 23-ءى ماقۇلداندى. ولاردىڭ اراسىندا 12-ءسى بالالار الاڭدارى مەن دەمالىس ايماعىن اباتتاندىرۋ, 5-ەۋى جارىق بەرۋ جۇيەسى جانە 6-اۋى كوگالداندىرۋ بويىنشا ىسكە اساتىن جوبالار.
وتىنىمدەردى ىرىكتەۋدى ساراپتامالىق كەڭەس جۇرگىزدى, ونىڭ قۇرامىنا اۋداننىڭ بەلسەندى تۇرعىندارى, اۋداندىق اكىمدىكتىڭ قوعامدىق ۇيىمدارى مەن قۇرىلىمدىق بولىمشەلەرىنىڭ وكىلدەرى كىردى.
جوبا اياسىندا بايقوڭىر اۋدانىندا 15 اۋلا جاڭارتىلدى. مۇندا جاڭا ويىن الاڭدارى مەن دەمالىس ايماقتارى سالىندى, كوگالداندىرۋ جۇرگىزىلدى, جەرگىلىكتى بالالار مەن ەرەسەكتەر ءۇشىن بەلسەندى دەمالىس ۇيىمداستىرىلدى. ايتا كەتەيىك, بيىل تاعى 15 اۋلانى اباتتاندىرۋ جوسپارلانىپ وتىر.
2022 جىلى ەسىل اۋدانىنىڭ اكىمدىگىنە باعدارلاماعا قاتىسۋعا 75 ءوتىنىم كەلىپ ءتۇستى. ساراپتامالىق كەڭەس ىسكە اسىرۋ ماقساتىندا 42 جوبانى تاڭدادى.
ايتا كەتەيىك, 2019 جىلدان باستاپ سارىارقا اۋدانىندا «حالىق قاتىساتىن بيۋدجەت» جوباسى بويىنشا تۇرعىنداردىڭ 54 باستاماسى ىسكە اسىرىلدى. وتكەن جىلى عانا اۋداندا 45 اۋلا جاڭارتىلدى, ونىڭ 23-ءى تۇرعىنداردىڭ ەلوردا بيۋدجەتىنە قاتىسۋى اياسىندا ىسكە اسىرىلدى.
بيىل دا اۋدان اكىمدىكتەرى «حالىق قاتىساتىن بيۋدجەت» جوباسىنا اتسالىسۋ ءۇشىن قالا تۇرعىندارىنىڭ وتىنىمدەرىن قابىلداي باستايدى. مىسالى, سارىارقا جانە ەسىل اۋدانىنىڭ اكىمدىكتەرى اتالعان جۇمىستى باستاپ كەتتى. قالعاندارى اتالعان جوبانىڭ باستالعانى تۋرالى كەيىنىرەك حابارلايدى. تۇرعىندار اۋلالاردى كۇردەلى جوندەۋ, گۇلزارلار, ساياباقتار, قوعامدىق كەڭىستىكتەر سالۋ, اۋماقتاردى كوگالداندىرۋ جانە باسقا دا ۇسىنىستارىن بىلدىرە الادى.
تەحنيكالىق تەكسەرۋ مەن تالداۋدان كەيىن بارلىق جوبالار قازاقستان ازاماتتارىنىڭ داۋىس بەرۋىنە ۇسىنىلادى.
