ماحامبەت ۋنيۆەرسيتەتىنىڭ ءبىر توپ عالىمى قازاقستان رەسپۋبليكاسى عىلىم جانە ءبىلىم مينيسترلىگى عىلىم كوميتەتى جاريالاعان گرانتتى جەڭىپ الىپ, 2020-2022 جىلدارى «باتىس قازاقستان سۋ قويمالارىنىڭ گيدروبيونتتارى مەن ميكروبيومىنىڭ جاعدايىن باعالاۋ جانە ولاردىڭ وزگەرىستەرىن بولجامداۋ» اتتى عىلىمي جوبانى اتقارعان بولاتىن. وسى جوبا اياسىندا ماحامبەت ۋنيۆەرسيتەتىنىڭ رەكتورى, بيولوگيا عىلىمدارىنىڭ كانديداتى, پروفەسسور نۇرلان سەرعاليەۆتىڭ جەتەكشىلىگىمەن وڭىرىمىزدەگى 12 سۋ قويماسى كەشەندى زەرتتەلدى.
مىنە, وسى جوبا كەزىندە عالىمدار شالقار كولىندە جۇرگىزىلگەن گيدروبيولوگيالىق زەرتتەۋ ناتيجەسىندە زووبەنتوس ورگانيزمدەرىنىڭ 9 ءتۇرىن تىركەپ, بۇعان دەيىن عىلىمي دەرەكتەردە كەزدەسپەگەن شايانتارىزدىلەردىڭ Turkogammarus aralensis (Uljanin, 1874) ءتۇرىن انىقتاعان. جاڭادان تابىلعان جاندىك 4-15 مم شاماسىندا ەكەن.
وسى زەرتتەۋ جۇمىستارىنا رەسەي جانە ليتۆا عالىمدارى قىزىعۋشىلىق تانىتقان. ءسويتىپ, اتالعان ەلدەر عالىمدارىمەن بىرگە ءونىمدى جۇمىس ءجۇرىپتى. ونىڭ ناتيجەسى جاقىندا Scopus دەرەكقورىنا كىرەتىن «Zootaxa» جۋرنالىندا جاريالانعان. ماقالا «Turcogammarus aralensis (Uljanin, 1875), رەليكتى شايانتارىزدىلەر – ارال-كاسپي پالەوباسسەينىنىڭ امفيپودتارى: قايتا سيپاتتاماسى, فيلوگەنەتيكالىق پوزيتسياسى جانە بيوگەوگرافياسى» دەپ اتالادى.
باتىس قازاقستان وبلىسى
