«قازىرگى ۋاقىتتا قازاقستاندا 7 ساياسي پارتيا تىركەلگەن. ولار: «قازاقستاننىڭ حالىق پارتياسى» (2002 جىلى ءساۋىر ايىندا تىركەلگەن); «اۋىل» حالىقتىق-دەموكراتيالىق پاتريوتتىق پارتياسى – (2000 جىلى ناۋرىزدا); «جالپىۇلتتىق سوتسيال-دەموكراتيالىق پارتياسى» (2007 جىلى قاڭتاردا), «AMANAT» پارتياسى (1999 جىلى اقپاندا), «اق جول» قازاقستاننىڭ دەموكراتيالىق پارتياسى (1999 جىلى اقپاندا), «بايتاق» قازاقستاندىق جاسىلدار پارتياسى (2022 جىلى قاراشادا), «رەسپۋبليكا» پارتياسى 2023 جىلى قاڭتار ايىندا تىركەلگەن. بارلىق اتالعان ساياسي پارتيالاردىڭ جارلىقتارىندا پارتيا ءماجىلىس, ءماسليحات دەپۋتاتتىعىنا كانديداتتار ۇسىنۋعا قۇقىلى ەكەنى كورسەتىلگەن», دەپ ءتۇسىندىردى ادىلەت ۆيتسە-ءمينيسترى الما مۇقانوۆا.
ايتا كەتسەك, ساياسي پارتيالار پارتيالىق تىزىمدەرگە ساياسي پارتيانىڭ مۇشەسى ەمەس ادامداردى ۇسىنا المايدى. بۇل رەتتە, پارتيالىق تىزىمگە ەنگىزىلگەن ادام بىرمانداتتىق اۋماقتىق سايلاۋ وكرۋگتەرى بويىنشا دا ۇسىنىلا المايدى.
«پارتيالىق تىزىمدەر بويىنشا ساياسي پارتيالار وسى شاقىرىلىمدا مانداتتار سانىنىڭ 50% مولشەرىندە وبلىستاردىڭ, رەسپۋبليكالىق ماڭىزى بار قالالاردىڭ جانە استانا ءماسليحاتتارىنىڭ دەپۋتاتتىعىنا كانديداتتاردىڭ پارتيالىق ءتىزىمىن ۇسىنا الادى. ول ءۇشىن سايلاۋ زاڭىنىڭ 103-بابىنىڭ 4-تارماعىنا سايكەس, ساياسي پارتيانىڭ ءتيىستى فيليالىنىڭ جوعارى باسشىلىعىنىڭ شەشىمى ازاماتتىڭ پارتيالىق تىزىمگە ەنۋىنە كەلىسىم بەرۋ تۋرالى وتىنىشىمەن بىرگە بەرىلەدى», دەپ ناقتىلادى الما مۇقانوۆا.
