انىقتالعانداي, كوشى-قون زاڭناماسىن بۇزۋ دەرەگى بۇگىن اقكول قالاسىندا تىركەلگەن. كوشى-قون قىزمەتىنىڭ قىزمەتكەرلەرى رەسەيدىڭ 23 جاستاعى ازاماتىن انىقتادى. ول ءۇش جىل بويى ءىس جۇزىندە ەكى مەملەكەتتىڭ – رەسەي فەدەراتسياسى مەن قازاقستان رەسپۋبليكاسىنىڭ ازاماتى بولىپ كەلگەن.
ءمان-جايدى ناقتىلاۋ كەزىندە پوليتسەيلەر 2019 جىلى رەسەيگە وقۋعا تۇسكەن قىز رەسەي فەدەراتسياسىنىڭ ازاماتتىعىن العانىن, الايدا قازاقستاندىق زاڭنامانى بۇزا وتىرىپ, قازاقستان ىشكى ىستەر ورگاندارىنا نەمەسە شەتەلدىك مەكەمەلەرىنە ۋاقىتىلى حابارلاماعانىن جانە قازاقستان ازاماتتىعىنان ايىرىلۋ بويىنشا ءتيىستى راسىمنەن وتپەگەنىن انىقتادى.
«شەتەلدىككە قاتىستى قر اقبتك-ءنىڭ 496-بابىنىڭ 2-بولىگى بويىنشا اكىمشىلىك حاتتاما جاسالدى. سانكتسياعا سايكەس, قۇقىق بۇزۋشىعا 200 اەك مولشەرىندە ايىپپۇل سالىنادى نەمەسە قازاقستان اۋماعىنان شىعارىلادى. ماتەريالدار سوتقا جولداندى», دەلىنگەن Polisia.kz تاراتقان اقپاراتتا.
وتكەن جىلى كوشى-قون قىزمەتىنىڭ قىزمەتكەرلەرى قوس ازاماتتىقتىڭ 2760 فاكتىسىن انىقتادى, ونىڭ 47-ءسى قر اقبتك-ءنىڭ 496-بابى 2-بولىگى بويىنشا جاۋاپقا تارتىلدى.
