وتكەن جىلى جەمقورلىق فاكتىسى تۋرالى حابارلاپ, قۇقىق قورعاۋ ورگاندارىنا كومەكتەسكەن 134 ازاماتقا 40,6 ميلليون تەڭگە كولەمىندە سىياقى تولەنگەن.
ەڭ ۇلكەن سىياقى كولەمى اتىراۋ جانە قىزىلوردا وبلىستارىندا بەرىلدى.
ايتا كەتسەك, سىبايلاس جەمقورلىققا قاتىستى قىلمىستاردى اشۋعا جاردەمدەسەتىن ازاماتتاردى كوتەرمەلەۋ قاعيدالارىنا سايكەس تولەمدەر ازاماتتار حابارلاعان ادامدارعا قاتىستى سوت ۇكىمى شىعارىلعاننان كەيىن جۇرگىزىلەدى.
بۇل رەتتە سىبايلاس جەمقورلىققا قارسى قىزمەت اقپارات بەرۋشىلەردىڭ تولىق قۇپيالىلىعىن قامتاماسىز ەتەدى.
«سىبايلاس جەمقورلىق فاكتىسى تۋرالى كەز كەلگەن ازامات 1424 تەلەفونى بويىنشا انتيكوردىڭ Call-ورتالىعىنا حابارلاي الادى نەمەسە جۇمىس كۇندەرى ساعات 9:00-دەن 17:00-گە دەيىن ءار اۋماقتىق دەپارتامەنتتىڭ Antikor Ortalygy-نا بارا الادى», دەلىنگەن ۆەدومستۆو حابارلاماسىندا.
ماسەلەن, 2022 جىلى انتيكور Call-ورتالىعىنا 27 مىڭنان استام قوڭىراۋ كەلىپ ءتۇستى, ونىڭ ىشىندە جەمقورلىق قۇقىق بۇزۋشىلىق فاكتىلەرى بويىنشا 233 حابارلاما كەلدى.
37 حابارلاما بويىنشا سوتقا دەيىنگى تەرگەپ-تەكسەرۋ باستالدى, 18 سوتقا جولداندى, سوتقا دەيىنگى تەرگەپ-تەكسەرۋلەردىڭ بىرىڭعاي ءتىزىلىمى بويىنشا 20 توقتاتىلدى, 25 ۆەدومستۆولىق باعىنىستىلىعى بويىنشا جولداندى.
