ءىس-شاراعا «قازاقستان ءماسليحاتتارى دەپۋتاتتارىنىڭ بىرلەستىگى» رقب توراعاسى ت.مۇقاشەۆ, شىمكەنت قالاسىنىڭ اكىمى م.ايتەنوۆ, قالالىق ءماسليحات توراعاسى ب.نارىمبەتوۆ, «شىمكەنت قالالىق ءماسليحات دەپۋتاتتارى بىرلەستىگى» قوعامدىق ۇيىمى, قوعامدىق كەڭەس مۇشەلەرى, قالالىق جانە اۋداندىق ارداگەرلەر كەڭەسىنىڭ توراعالارى مەن ءماسليحات دەپۋتاتتارى قاتىستى.
مەملەكەت باسشىسىنىڭ سايلاۋالدى باعدارلاماسىن قولداۋ جانە جۇزەگە اسىرۋ جونىندەگى بارلىق دەڭگەيدەگى ءماسليحات دەپۋتاتتارىنىڭ بىرلەسكەن ۇندەۋى وتكەن جىلدىڭ سوڭىندا اقتوبە قالاسىندا قابىلدانعان ەدى.
وتىرىس بارىسىندا قالا اكىمى م.ايتەنوۆ جانە «شىمكەنت قالالىق ءماسليحات دەپۋتاتتارى بىرلەستىگى» قوعامدىق ۇيىمىنىڭ توراعاسى ە.ساتقانباەۆ بايانداما جاسادى. «قازاقستان ءماسليحاتتارى دەپۋتاتتارىنىڭ بىرلەستىگى» رقب توراعاسى ت.مۇقاشەۆ مەملەكەت باسشىسىنىڭ «جاڭا قازاقستان: جاڭارۋ مەن جاڭعىرۋ جولى» اتتى حالىققا جولداۋى مەن سايلاۋالدى باعدارلاماسىنداعى ءماسليحاتشىلار مەن جەرگىلىكتى ءوزىن-ءوزى باسقارۋعا قاتىستى باسىمدىقتارىنا كەڭىنەن توقتالدى.
«مەملەكەت باسشىسىنىڭ ءماسليحاتتار الدىنا قويعان «جاڭا قازاقستاننىڭ قۇرىلىسى», جەرگىلىكتى حالىقتىڭ ءومىر ءسۇرۋ جاعدايى مەن ساپاسىن جاقسارتۋ جونىندەگى جاڭا مىندەتتەمەلەرى دەپۋتاتتاردىڭ سايلاۋشىلارمەن اراداعى جۇمىسىن قايتا قۇرۋ مەن سايلاۋشىلار ءتارتىبى جانە ءماسليحاتشىلاردى كەرى شاقىرىپ الۋ ينستيتۋتتارىن ەنگىزۋدى ىسكە اسىرادى.
جاڭا جاعدايدا ءماسليحاتتار دەپۋتاتتارىنىڭ نەگىزگى قىزمەتى – ءوز اۋماعىندا ساپالى الەۋمەتتىك ينفراقۇرىلىمدى: بالاباقشا, اباتتاندىرۋ, ساۋدا نىساندارى, جولدار, كىتاپحانا, مەكتەپ, تۇرعىن ءۇي جانە الەۋمەتتىك نىسانداردى سالۋ مەن جوندەۋدى ۇيىمداستىرۋدان كورىنبەك. مىسالى, الداعى ۋاقىتتا ەلىمىزدە كوپتەگەن الەۋمەتتىك ينفراقۇرىلىم نىساندارى سايلاۋشىلاردىڭ تالابى مەن جەرگىلىكتى مەملەكەتتىك باعدارلامالار نەگىزىندە قۇرىلادى. دەگەنمەن بۇل وزگەرىستەردىڭ بارلىعى ءماسليحاتشىلاردىڭ بەلسەندى ازاماتتاردى تارتا وتىرىپ تۇراقتى مونيتورينگ پەن باقىلاۋ جاساۋ جاۋاپكەرشىلىگىن ارتتىرادى», دەدى بىرلەستىك توراعاسى.
ت.مۇقاشەۆتىڭ ايتۋىنشا, جاڭا قازاقستان قۇرۋ مىندەتتەرىن ويداعىداي جۇزەگە اسىرۋ ءۇشىن الدىڭعى قاتارلى ەلدەردىڭ تاجىريبەسىنە سۇيەنىپ, مەملەكەتتىك باسقارۋ جانە جەرگىلىكتى ءوزىن-ءوزى باسقارۋ جۇيەلەرىن ءبىلىم نەگىزىنە كوشىرۋ قاجەت. وتىرىس سوڭىندا جيىنعا قاتىسۋشىلار تالقىلانعان ماسەلەلەر بويىنشا ءوزارا پىكىر الماستى.
شىمكەنت
