«بۇل ساۋدا ءۇيى ادام كوپ جينالاتىن وبەكت بولعاندىقتان وعان جوعارى شاقىرۋ ءنومىرى بويىنشا ءورت ءسوندىرۋ بولىمشەلەرى جىبەرىلدى. العاشقى ءورت ءسوندىرۋ كولىكتەرى كەلىپ, دەرەۋ ءورتتى جويۋعا كىرىستى. ءورت سوندىرۋشىلەردىڭ ۋاقىتىلى كەلۋى مەن كەلىسىلگەن ارەكەتتەرىنىڭ ارقاسىندا ءورتتىڭ كورشىلەس تىعىز ورنالاسقان ساۋدا نۇكتەلەرىنە ودان ءارى تارالۋىنا جول بەرىلمەدى. ءورتتى ءسوندىرۋ قاتتى تۇتىنمەن قيىندادى», دەلىنگەن سقو تجد ءباسپاسوز قىزمەتىنىڭ حابارلاماسىندا.
ءورت 11.28-دە وقشاۋلانىپ, 12.04-تە جويىلعان. قازا تاپقاندار مەن مەن زارداپ شەككەندەر جوق. قازىر ءورتتىڭ سەبەبى مەن زالالى انىقتالىپ جاتىر.
ۆەدومستۆو مالىمەتىنشە, ءورتتى جويۋعا سقو تج دەپارتامەنتىنىڭ جەكە قۇرامىنىڭ 37 ادامى جانە 12 تەحنيكا بىرلىگى قاتىسقان. ءورتتىڭ اۋدانى 30 شارشى مەتر.
«ساۋدا ورتالىعىنىڭ عيماراتىنان 250 قىزمەتكەر مەن نىسانعا كەلۋشىلەر ەۆاكۋاتسيالاندى. پسيحولوگيالىق قىزمەت توبىنىڭ قىزمەتكەرى ەۆاكۋاتسيالانعانداردىڭ ءبىر بولىگىمەن سترەسستىك جاعدايدى جويۋ بويىنشا جۇمىس جۇرگىزدى. ولار ءورت ءسوندىرۋ قىزمەتىنىڭ ۆاحتاسىنا جانە جاقىن ماڭداعى كافەگە جىلىنۋ ءۇشىن ورنالاستىرىلدى. وندا ولارعا ىستىق شاي ۇسىنىلدى», دەلىنگەن حابارلامادا.
