اتالعان ءىس-شارا جىل سايىنعى قىسقى فەستيۆال باعدارلاماسى اياسىندا سپورتتىڭ 10 تۇرىنەن وتەدى. ولار: شاڭعى جارىسى, گىر تاسىن كوتەرۋ, قول كۇرەسى, بەلبەۋ كۇرەسى, ارقان تارتىس, پيمالى حوككەي, قارمەن نىسانانى دالدەپ اتۋ جارىسى, اۆتوسپورت, موتوسپورت, قىسقى فۋتبول.
جارىسقا قاتىسۋعا دەنساۋلىعى جارامدى كەز كەلگەن ادام قاتىسا الادى. تىركەۋدەن ءوتۋ كەزىندە وزىمەن بىرگە جەكە باسىن كۋالاندىراتىن جەكە قۇجاتى قاجەت.
شاڭعى جارىسىنا تىركەلۋ كەستەگە سايكەس سورەدەن 30 مينۋت بۇرىن, وتكىزۋ ورنىندا ۇيىمداستىرىلادى. قاتىسۋشىلاردىڭ ستارتتىق نومىرلەرى ءار جاس توبى بويىنشا سورەدەن 30 مينۋت بۇرىن بەرىلەدى. جارىس سانيتارلىق نورمالار مەن قاۋىپسىزدىك تەحنيكاسىن ساقتاي وتىرىپ جۇرگىزىلەدى.
ءار جاس توبىنداعى جەڭىمپازدار مەن جۇلدەگەرلەر ديپلومدارمەن, مەدالدارمەن جانە باعالى سىيلىقتارمەن ماراپاتتالادى.
قىسقى فەستيۆال 19 اقپان كۇنى ساعات 11:00-دە ەسىل وزەنى, امفيتەاتر جانىندا باستالادى.
