شەتەلدىك ينۆەستورلارعا قولايلى جاعداي جاسالۋى ءتيىس

استانا. 12 ماۋسىم. ۇدەمەلى يندۋستريالدى-يننوۆاتسيالىق دامۋدىڭ مەملەكەتتىك باعدارلاماسىنىڭ ەكىنشى بەسجىلدىعى شەتەلدىك ينۆەستورلار ءۇشىن «ماگنيتكە» اينالۋى كەرەك. مەملەكەت باسشىسى شەتەلدىك ينۆەستورلار كەڭەسىنىڭ وتىرىسىندا وسىلاي دەدى. بۇل تۋرالى primeminister.kz حابارلادى. جيىندا پرەزيدەنت: «10 جىلدان استام ۋاقىت بويى قازاقستان كەزەڭ-كەزەڭمەن تۇراقتى ماكروەكونوميكالىق ورتا قالىپتاستىرىپ كەلەدى. باسەكەگە قابىلەتتىلىك سياقتى جاھاندىق يندەكس كورسەتكىشى بويىنشا 2013 جىلى 23-ورىنعا كوتەرىلىپ, 30 ەلدىڭ قاتارىنا ەندىك», – دەدى. سونداي-اق, ول ۇكىمەتىمىزدىڭ بيزنەس ءىسىن جۇرگىزۋگە جانە ءوزارا بىرلەسە جۇمىس ىستەۋگە قولايلى جاعداي جاساۋعا باعىتتالعان بىرقاتار شارالاردى جۇزەگە اسىرىپ جاتقانىن اتاپ ءوتتى. نۇرسۇلتان نازارباەۆ: «2015 جىلدىڭ 1 قاڭتارىنان مەنىڭ جارلىعىما سايكەس كاسىپكەرلەردى جوسپارلى تەكسەرۋ تولىعىمەن توقتاتىلادى. تەكسەرۋلەر قاۋىپ-قاتەرلەردى باعالاۋدىڭ ساپالى جۇيەسى نەگىزىندە بەلگىلەنەدى», – دەدى. جولدىباي بازار. دەرەككوز: primeminister.kz. فوتو: primeminister.kz.