كەيبىر دەرەكتەردە توقتامىس حاندى 1342 جىلى تۋىپ, 1406 جىلى تۇمەن دالاسىندا ەدىگەمەن شايقاستا قازا تاپقان دەلىنەدى. «اكەسى ورىس حاننىڭ قولىنان قازاق تاپقان سوڭ, 1376 جىلى توقتامىس ماۋرەنناحر بيلەۋشىسى ءامىر تەمىرگە قاشىپ بارىپ, 1378-1379 جىلدارى وسى كىسىنىڭ كومەگىمەن سىعاناقتى جاۋلاپ الادى دا, اق ورداعا بيلىك جۇرگىزگەن», دەيدى جازۋشى ءى.ەسەنبەرلين. كەلەسى 1380 جىلى ماماي «ك ۇلىك شايقاسىندا» ورىس كنيازى دميتريدەن جەڭىلگەن تۇستا التىن وردا تاعىنا وتىرىپ, 1380-1398 جىلدارى بيلىك جۇرگىزەدى. وسى تۇستا اقشا رەفورماسىن جاساپ, ءوز اتىمەن سوعىلعان التىن-كۇمىس تەڭگەلەردى اينالىمعا تۇسىرگەن.
مىنا ءبىر التىن تەڭگە – توقتامىس حاننان قالعان مۇرا. رەسەيلىك تەڭگەتانۋشى ر.ساگدەەۆانىڭ پايىمىنشا, بۇل تەڭگە حيجرانىڭ 787 جىلى (1392 جىل) ساراي ءال-جەديدتە (ساراي بەركە قالاسى) سوعىلعان. تەڭگەنىڭ بەتىنە: «توقتامىس حان. بيلىگى ۇزاق بولسىن!» دەگەن سوزدەر اراب ارپىمەن جازىلعان. تەڭگەنىڭ سالماعى – 1,40 گرامم. ديامەترى – 15-16 مم.
