بىرىنشىدەن, اشىقتىق ماسەلەسىنە ءمان بەرىلىپ, كانديداتتاردىڭ سايلاۋالدى باعدارلاماسى جۇرتشىلىققا كەڭىنەن تانىستىرىلۋى كەرەك ەدى. تۇرعىندارعا ءوز وڭىرىنەن سايلاناتىن دەپۋتاتتىڭ ايماق ءومىرى ءۇشىن قانداي جۇمىس ىستەۋگە نيەتتى ەكەنىن ءبىلۋ وتە ماڭىزدى. ايتەۋىر تۇرعىندار داۋىس بەرمەيدى ەكەن دەپ حالىقتان الىستاۋ دۇرىس ەمەس. ادىلەتتى قازاقستان قۇرامىز دەپ جاتقاندىقتان, قوعاممەن باياندى بايلانىس ورناتۋعا تىرىسۋ قاجەت. ەكىنشىدەن, سايلانعان دەپۋتاتتاردىڭ باسىم بولىگى بۇعان دەيىن مەملەكەتتىك باسقارۋ جۇيەسىندە, ياعني اكىمدىكتىڭ اينالاسىندا قىزمەت ەتكەندەر. جاستار دا جوقتىڭ قاسى. تۇرعىنداردى الاڭداتقان جايتتىڭ ءبىرى – وسى.
ءماسليحاتتاردىڭ جاۋاپكەرشىلىگى ارتۋعا ءتيىس. حالىق اراسىندا قازىر ءتۇرلى پىكىر ءورىپ ءجۇر. كوپشىلىگى ء«ماسليحات دەپۋتاتتارى اكىمنىڭ نۇسقاۋىمەن داۋىس بەردى» دەگەندى العا تارتادى. بۇل – اشىقتىق ماسەلەسىنە ءاتۇستى قاراۋدىڭ سالدارى. بۇعان دەيىن الداعى ۋاقىتتا سەنات دەپۋتاتتارىن دا حالىق سايلاۋ كەرەك دەگەن ۇسىنىس ايتقان ەدىم. تۇرعىندار ءوزى داۋىس بەرگەندىكتەن, كۇماندى ويلار تۋىندامايتىن ەدى. تاعى ءبىر ماسەلە – سايلانعان دەپۋتاتتار مىنبەردە حالىقتىڭ ماسەلەسىن بەلسەندى كوتەرمەي, قىزمەتىن ۇنسىزدىكپەن وتكىزسە, وندايلاردىڭ دەپۋتاتتىعىن توقتاتۋ كەرەك. التى جىل بوستان-بوسقا ورىندىقتى توزدىرعانى قاجەت ەمەس. تىكەلەي سايلاۋ بولماعاندىقتان باقىلاۋ دا از. دەپۋتاتتىڭ نە تىندىرىپ جۇرگەنى بەلگىسىز. بۇل ماسەلەنى بۇعان دەيىن دە بايقاعانبىز. ءتىپتى حالىق ءتۇرىن تانۋ بىلاي تۇرسىن, اتى-ءجونىن بىلمەيتىن دەپۋتاتتاردى دا كوردىك. الداعى ۋاقىتتا مۇنداي ء«داستۇر» ۇزىلۋگە ءتيىس. سەنات دەپۋتاتتارى حالىقتىڭ اراسىندا ءجۇرۋى, تۇرعىندارمەن ەتەنە ارالاسۋى قاجەت. بۇقارالىق اقپارات قۇرالدارىمەن دە قويان-قولتىق جۇمىس ىستەۋى ماڭىزدى.
مارات ءباشىموۆ,
ەۋروپالىق قۇقىق جانە ادام قۇقىعى ينستيتۋتىنىڭ ديرەكتورى
