ەكس-پرەزيدەنت نازارباەۆ قانداي ارتىقشىلىقتاردان ايىرىلدى؟

قابىلدانعان زاڭعا سايكەس نۇرسۇلتان نازارباەۆ قازاقستان رەسپۋبليكاسىنىڭ ەكس-پرەزيدەنتى مارتەبەسىنە يە بولادى.

ول رەسپۋبليكا پارلامەنتى پالاتالارىنىڭ بىرلەسكەن وتىرىستارىنا، رەسپۋبليكا پرەزيدەنتى قىزمەتىنە كىرىسۋگە ارنالعان سالتاناتتى وتىرىستارعا، رەسپۋبليكانىڭ مەملەكەتتىك مەرەكەلەرىنە جانە مەملەكەت وتكىزەتىن وزگە دە ءىس-شارالارعا قاتىسۋعا قۇقىلى.

ونىڭ ار-نامىسى مەن قادىر-قاسيەتىنە قول سۇعىلمايدى دەلىنگەن. رەسپۋبليكانىڭ ەكس-پرەزيدەنتىنىڭ ار-نامىسى مەن قادىر-قاسيەتىنە قول سۇعۋشىلىق زاڭ بويىنشا قۋدالانادى.

زاڭعا سايكەس ەكس-پرەزيدەنت پەن ونىڭ وتباسىن قامتاماسىز ەتۋ، ولارعا قىزمەت كورسەتۋ جانە قورعاۋ مەملەكەت ەسەبىنەن جۇزەگە اسىرىلادى.

وعان قازىرگى پرەزيدەنتتىڭ لاۋازىمدىق جالاقىسىنىڭ 80% مولشەرىندە ءومىر بويى زەينەتاقى تاعايىندالدى. بۇل رەتتە ونىڭ زەينەتاقىسى رەسپۋبليكا پرەزيدەنتىنىڭ لاۋازىمدىق جالاقىسىنىڭ ءوسۋىن ەسكەرە وتىرىپ ارتتىرىلاتىن بولادى.

سونداي-اق پاتەر مەن مەملەكەتتىك ساياجاي جەكە مەنشىككە بەرىلمەي، قاجەتتى قىزمەت كورسەتۋمەن، جەكە كۇزەتپەن، جۇرگىزۋشىلەرى بار جەكە اۆتوكولىكپەن، ەل بويىنشا تەگىن جول جۇرۋمەن، مەديتسينالىق قىزمەت كورسەتۋمەن جانە ساناتوري-كۋرورتتىق ەمدەۋمەن قامتاماسىز ەتىلەدى.

پرەزيدەنتتىك كەزەڭدە قۇرىلعان جەكە مۇراعات پەن جەكە كىتاپحانا ونىڭ مەنشىگىندە بولادى.

بۇرىنعى پرەزيدەنت مارتەبەسىنە يە بولا وتىرىپ، نۇرسۇلتان نازارباەۆ مەملەكەتكە وپاسىزدىق جاساۋ جاعدايلارىن قوسپاعاندا، رەسپۋبليكا پرەزيدەنتىنىڭ وكىلەتتىكتەرىن ورىنداۋعا بايلانىستى ءىس-ارەكەتتەرى ءۇشىن جاۋاپتى بولمايدى.

ماسەلەن قر تۇڭعىش پرەزيدەنتى تۋرالى زاڭ كۇشىن جويعاننان كەيىن نۇرسۇلتان نازارباەۆ:

• ەلباسى اتاعىنان:
• قر پرەزيدەنتتىگىنە سايلانۋ قۇقىعىنان;
• قازاقستان حالقىنا جولداۋ جاساۋ قۇقىعىنان، مەملەكەتتىك ورگاندارعا جانە لاۋازىمدى ادامدارعا مەملەكەتتىك قۇرىلىستىڭ، ەلدىڭ ىشكى جانە سىرتقى ساياساتى مەن قاۋىپسىزدىگىنىڭ اسا ماڭىزدى ماسەلەلەرى بويىنشا باستامالارمەن جۇگىنۋ مىندەتىنەن;
• ەل ءۇشىن ماڭىزدى ماسەلەلەردى تالقىلاۋ كەزىندە قر پارلامەنتى مەن ونىڭ پالاتالارىنىڭ الدىندا، ۇكىمەت وتىرىستارىندا ءسوز سويلەۋ قۇقىعىنان; قازاقستان رەسپۋبليكاسى كونستيتۋتسيالىق كەڭەسىنىڭ قۇرامىنا كىرۋ قۇقىعىنان ايىرىلادى.

سونداي-اق كەلەسى ناگرادالار مەن سىيلىقتار جويىلادى:

• «قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆ» وردەنى، ول ازاماتتاردىڭ مەملەكەتتىك جانە قوعامدىق قىزمەتتەگى ەرەكشە ەڭبەگى ءۇشىن بەرىلگەن.
• قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ دەموكراتيا مەن الەۋمەتتىك پروگرەستى دامىتقانى، حالىقتار اراسىنداعى بەيبىتشىلىك پەن دوستىقتى نىعايتقانى ءۇشىن قازاقستان رەسپۋبليكاسىنىڭ پرەزيدەنتى بەرگەن جىل سايىنعى بەيبىتشىلىك پەن پروگرەسس مەملەكەتتىك سىيلىعى.

سونداي-اق:

• جەكە مەنشىك قۇقىعىندا جانە ونىمەن بىرگە تۇراتىن وتباسى مۇشەلەرىنە، سونداي-اق ولار پايدالاناتىن تۇرعىن جانە قىزمەتتىك ءۇي-جايلارعا، قىزمەتتىك كولىككە، بايلانىس قۇرالدارىنا، حات الماسۋعا، ولارعا تيەسىلى قۇجاتتارعا تيەسىلى م ۇلىككە;
  قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورىنا جانە ول قۇرعان وزگە دە زاڭدى تۇلعالارعا تيەسىلى م ۇلىككە;
• وعان جەكە مەنشىك قۇقىعىمەن جانە ونىمەن بىرگە تۇراتىن وتباسى مۇشەلەرىنە تيەسىلى م ۇلىككە;
• ءوزى قۇرعان زاڭدى تۇلعالاردىڭ مۇلكىنە;
• بانك قۇپياسىنىڭ كەپىلدىگى، بانك شوتتارىنا جانە ونىمەن بىرگە تۇراتىن وتباسى مۇشەلەرىنە قول سۇعىلماۋشىلىق جويىلادى.

بۇدان باسقا قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ كەڭسەسى تاراتىلادى.