ال بۇعان نارىقتاعى باسەكەنىڭ ۇلعايىپ, كەز كەلگەن تاۋار تۇرىنە سۇرانىستىڭ ارتىپ جاتقانى سەپتەسىپ وتىر. مۇنى 2022 جىلى الماتى قالاسىنىڭ كاسىپكەرلەر پالاتاسىنىڭ كاسىپورىندارعا بەرگەن 1 457 سەرتيفيكاتىمەن دايەكتەۋگە بولادى.
سالىستىرۋ تۇرعىسىندا 2021 جىلى كاسىپورىندارعا بەرىلگەن سەرتيفيكاتتار سانى – 772, ال 2020 جىلى 470 بولعانىن ايتا كەتۋگە بولادى.
تاۋاردىڭ شىعۋ ءتۇبىن سەرتيفيكاتتاۋ ءبولىمىنىڭ ساراپشىسى ساۋلە نۇربەكوۆانىڭ ايتۋىنشا, 2022 جىلى الماتى كاسىپكەرلەر پالاتاسى 11 815 ەكسپورتتىق سەرتيفيكات بەرگەن. 2021 جىلى بۇل كورسەتكىش 9 827 سەرتيفيكاتقا جەتسە, 2020 جىلى 5 967 سەرتيفيكاتتى قۇرادى.
ءوندىرىستى سەرتيفيكاتتاۋ سالاسىندا يندۋستريالىق سەرتيفيكات ەرەكشە ماڭىزعا يە ەكەندىگىن اتاپ وتكەن ءجون. ەگەر كاسىپكەردىڭ تەحنولوگيالىق جابدىقتارمەن قامتىلعان جەكە ءوندىرىسى, جۇمىس ىستەپ جاتقان ماماندارى بار بولسا, وندا وسى سەرتيفيكاتتى الا الادى. سەرتيفيكاتتى راسىمدەۋ 2 كەزەڭنەن تۇرادى.
«يندۋستريالىق سەرتيفيكات وتە ماڭىزدى قۇجات. قۇجاتتى ءبىرىنشى كەزەڭدە الۋ ءۇشىن كاسىپكەر سالالىق قاۋىمداستىقتىڭ سالالىق ساراپشىسىنىڭ قورىتىندىسىن الۋعا ءتيىس. سالالىق ساراپشى كاسىپكەر ءوندىرىسىنىڭ بەلگىلەنگەن تالاپتارعا سايكەستىگىن ايقىنداپ, قورىتىندىسىن بەرەدى. كاسىپكەر وڭ قورىتىندى العاننان كەيىن ۇلتتىق كاسىپكەرلەر پالاتاسىنىڭ atameken.kz سايتى ارقىلى ءوتىنىش بەرەدى. بۇدان ءارى يندۋستريالىق سەرتيفيكاتتى رەسىمدەۋمەن وڭىرلىك كاسىپكەرلەر پالاتاسىنىڭ ماماندارى اينالىسادى», دەيدى مامان.
سەرتيفيكات 3 جىلعا تەگىن بەرىلەدى. الايدا ەگەر تاۋار وندىرىسىندە, جۇمىستار مەن قىزمەتتەردى جەتكىزۋدە وزگەرىستەر بولماسا, سەرتيفيكات جىل سايىن جاڭارتىلىپ وتىرۋعا ءتيىس. ەگەر وزگەرىستەر بولسا, كاسىپكەر سەرتيفيكاتقا وزگەرىستەر ەنگىزۋ تۋرالى ءوتىنىش بەرۋى كەرەك. ماسەلەن, 2022 جىلى الماتى كاسىپكەرلەر پالاتاسى 68 يندۋستريالىق سەرتيفيكات بەرگەن. يندۋستريالىق سەرتيفيكات دەپ وتىرعانىمىز – كاسىپورىننىڭ وتاندىق ءوندىرۋشى ەكەنىن راستايتىن قۇجات.
«ساراپشىلار كاسىپورىنداردى بازا, جابدىق, تەحنولوگيانىڭ بولۋىنا, سونداي-اق ءوندىرىستىڭ مالىمدەلگەن قۋاتىنىڭ سايكەستىگىنە تەكسەرەدى. ەگەر ءوندىرىس بارلىق تالاپقا ساي بولسا, يندۋستريالىق سەرتيفيكات ەشقانداي كەدەرگىسىز بەرىلەدى. يندۋستريالىق سەرتيفيكاتتى قالىپتاستىرۋ قاعيدالارى بيزنەس-قوعامداستىقپەن بىرلەسىپ ازىرلەندى, ءوندىرۋشىنى تىزىلىمگە ەنگىزۋ وتەۋسىز جانە ەرىكتى تۇردە جۇزەگە اسىرىلادى. قازىر قازاقستاندا شەتەلدىك كومپانيالاردىڭ ءوندىرىسىن رەلوكاتسيالاۋ ۇدەرىسى ءجۇرىپ جاتىر. وسىعان بايلانىستى تاۋارلاردى سەرتيفيكاتتاۋ بويىنشا جۇمىستار ۇلعايتىلىپ, سەرتيفيكاتتار بەرۋ بويىنشا باقىلاۋ كۇشەيتىلەدى», دەيدى الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ.
الماتى
