الىستان كوز تارتاتىن ساۋلەتتى ورتالىق «اۋىل – ەل بەسىگى» باعدارلاماسى اياسىندا سالىندى. قۇرىلىس جۇمىستارى ەكى جىل بۇرىن باستالعان بولاتىن. يگىلىكتى ىسكە رەسپۋبليكالىق جانە جەرگىلىكتى بيۋدجەتتەن 400 ملن تەڭگە قاراجات ءبولىندى. ءبىر ايتا كەتەرلىگى, ەتەك-جەڭى كەڭ پىشىلگەن وسىناۋ ەلدى مەكەندە جاستارعا قىزمەت ەتەتىن مۇنداي ورتالىق بۇرىن-سوڭدى بولماعان. قازىر مۇندا ءبىر مەزگىلدە 200-دەن استام ادام سپورتتىق-گيمناستيكالىق, مۋزىكالىق ۇيىرمەلەرگە قاتىسا الادى. قاتىسۋعا اۋىل تۇرعىندارى دا ىنتالى. 125 ادامعا لايىقتالعان كورەرمەن زالى بار.
– اۋىل جاستارىنىڭ قۋانىشىندا شەك جوق, – دەيدى جاستار ورتالىعىنىڭ مادەني جۇمىستاردى ۇيىمداستىرۋشىسى ءشانيا قۇلجاباي. الداعى ۋاقىتتا جاس تولقىننىڭ كوكىرەگىن ساۋلەلەندىرىپ, رۋحاني ءنار بەرىپ, يگىلىكتى ىستەرگە جۇمىلدىراتىن بولامىز.
ءبىر جاقسىسى, اۋىلدىڭ 12 ادامى جۇمىسپەن قامتىلىپ وتىر. ءارى وسى جەردە سەرۆيستىك اكىمشىلىك تە اشىلعان. بۇل ەل پرەزيدەنتى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ دەپ بىلگەن ءجون. بۇرىن مۇنداي جوبالار وبلىس ورتالىعى مەن ءىرى قالالاردا عانا كەزدەسەتىن بولسا, ەندى شالعايداعى شاعىن اۋىلداردا دا اشىلىپ جاتىر. جاعىمدى جاڭالىقتىڭ ناتيجەسىندە اۋىل تۇرعىندارى وزدەرىن تولعاندىرىپ جۇرگەن ارقيلى ساۋالدار ورايىندا جىلدام ءارى ساپالى كەڭەس الا الادى. اينالىپ كەلگەندە بار شارۋا وڭىنان وڭعارىلىپ, ەل ىشىندەگى ىنتىماق سۇتتەي ۇيىپ تۇرماي ما؟!
اقمولا وبلىسى,
اتباسار اۋدانى
