بۇگىن قوستاناي وبلىسى تجد قامىستى اۋدانى تج ءبولىمىنىڭ قىزمەتكەرلەرى التىنسارى اۋىلى مەن سۆوبودنوە اۋىلى اراسىندا ازەربايجان ازاماتىنان حابارلاما العان. ول جۇك فۋراسىنىڭ بۇزىلعانىن ايتىپ, كومەك سۇراعان. شاقىرۋ ورنىنا قامىستى اۋدانى تجب باستىعى جانە ءبولىمنىڭ اعا ينجەنەرى بارعان. 80 شاقىرىم جولدى ءجۇرىپ وتكەن ولار التىنسارى اۋىلىنان 9 شاقىرىم جەردە «VOLVO» ماركالى اۋىر جۇك كولىگىن تاپقان.
«ازەربايجان ازاماتى جۇك كولىگىمەن استانا قالاسىنا ناۆيگاتورمەن بارا جاتقان ەكەن. قاشىقتىقتى قىسقارتۋ ءۇشىن جۇرگىزۋشى قامىستى اۋدانىنىڭ اۋماعىنداعى دالا جولىمەن جۇرۋگە شەشىم قابىلداعان. الايدا جولدا ديزەلدى قوزعالتقىش تەمپەراتۋرانىڭ تومەندەۋىنە سەزىمتال بولىپ شىققان. سوندىقتان كولىك دالادا توقتاپ قالعان», دەلىنگەن حابارلامادا.
قۇتقارۋشىلار توڭعان جۇرگىزۋشىنى التىنسارى اۋىلىنا جەتكىزىپ, ونى جەرگىلىكتى جاتاقحانانىڭ جىلىتۋ پۋنكتىنە ورنالاستىرعان. وندا وعان قاۋىپسىز جاتاقحانا ۇيىمداستىرىلعان.
قوستاناي وبلىسىنىڭ تجد ازاماتتاردى قىسقى اۆتوجولداردا وتە ساق بولۋعا شاقىردى. جەكە قاۋىپسىزدىك ماقساتىندا قولايسىز مەتەوجاعدايلار كەزىندە الىس ساپارلارعا شىقپاۋ كەرەك.
