ماماننىڭ ايتۋىنشا ەلىمىزدە جىل سايىن 35 مىڭنان استام ادام وبىرعا شالدىعادى, 14 مىڭنان استامى بۇل دەرتتەن كوز جۇمادى. قازىر 200 مىڭعا جۋىق ادام دارىگەر ەسەبىندە تۇر. ستاتيستيكالىق مالىمەتتەرگە سۇيەنسەك, قازاقستاندا ونكولوگيا - ءولىم-ءجىتىم بويىنشا ءۇشىنشى ورىندا تۇرعان اۋرۋلاردىڭ ءبىرى.
«كەشەندى جوسپاردىڭ ءىس-شارالارىن ىسكە اسىرۋ كەزىندە قاتەرلى ىسىكتەردەن بولاتىن ءولىم-ءجىتىمدى ورتا ەسەپپەن 5%-عا تومەندەتۋدىڭ وڭ ءۇردىسى بار. 2022 جىلى قازاقستاندا ونكولوگيالىق ناۋقاستار كونتينگەنتى 205 042 ناۋقاستى قۇراعان. 2022 جىلدىڭ 11 ايىندا قاتەرلى ىسىكتەردەن بولاتىن ءولىم- ءجىتىم كورسەتكىشى 100 مىڭ تۇرعىنعا شاققاندا 65,7%-دى, ياعني 11 806 جاعدايدى قۇرادى, بۇل ءولىم-ءجىتىم كورسەتكىشىنىڭ 8,3%-عا تومەندەگەنىن كورسەتەدى», دەپ اتاپ ءوتتى ديليارا قايداروۆا ۆەدومستۆونىڭ القالى وتىرىسىندا.
اتى جامان دەرت اراسىندا وكپە وبىرى (16,5%, 1 945 جاعداي) كوش باستاپ تۇر. ەكىنشىسى – اسقازان وبىرى (11,8%, 1 411 جاعداي) بولسا, ءۇشىنشىسى – كولورەكتالدىق وبىر (10,7%, 1 242 جاعداي) جانە ءتورتىنشىسى - ءسۇت بەزى وبىرى (8,2%, 959 جاعداي) ەكەن.
ديليارا قايداروۆانىڭ ايتۋىنشا, ونكولوگيالىق قىزمەت باعدارلاماسى تەحنيكالىق قايتا جاراقتاندىرۋدى كوزدەيدى. سونداي-اق قولدا بار دياگنوستيكالىق جابدىقتى جاڭارتۋعا, ەسكىرگەن اپپپاراتتاردى اۋىستىرۋ ەسەبىنەن ساۋلەلىك ەمدەۋدى دامىتىپ, مىقتى مامانداردى دايارلاۋعا سەپتىگىن تيگىزەدى.
گۇلشاحرا سانسىزباي
