«بالالاردىڭ دامۋى ءۇشىن ساپالى تاماقتانۋدىڭ ماڭىزى ەرەكشە. بالالاردى تاماقپەن قامتاماسىز ەتۋ ستاندارتتارى قايتا قارالادى. ونىڭ ىشىندە بارلىق باستاۋىش سىنىپ وقۋشىلارىن ءبىر رەتتىك تەگىن ىستىق تاماقپەن قامتاماسىز ەتۋ سونداي-اق اسحانالاردا قولما-قول اقشاسىز ەسەپ جۇرگىزۋ جۇيەسىن ەنگىزۋ جوسپارلانىپ وتىر», دەدى عاني بەيسەمباەۆ مينيسترلىك القاسىنىڭ وتىرىسىندا.
مينيستر 2022 جىلى 136 مىڭ وقۋشىعا ارنالعان 247 جاڭا مەكتەپ پايدالانۋعا بەرىلگەنىن اتاپ ءوتتى. مەكتەپتەردى جاڭعىرتۋ جوباسى بويىنشا شاعىن قالالار, اۋدان ورتالىقتارى مەن اۋىلدارداعى 421 مەكتەپتە اسحانالار مەن 814 كىتاپحانا جاڭارتىلدى. 475 مەكتەپكە 634 ءپان كابينەتى ساتىپ الىندى. تاعى 264 مەكتەپتە كۇردەلى جوندەۋ جۇمىستارى جۇرگىزىلدى.
ۆەدومستۆو باسشىسى شاعىن قالالار مەن اۋىلدارداعى مەكتەپتەردى جاڭعىرتۋدى, ينفراقۇرىلىمدى جانە جۇمىس ىستەپ تۇرعان مەكتەپتەردەگى قاۋىپسىزدىك دەڭگەيىن جاقسارتۋدى جالعاستىرۋعا ۋادە بەردى.
