ال سول جارىستىڭ ىرىكتەۋ ءتۋرنيرى بۇل كۇندەرى قاتاردىڭ باس شاھارى – دوحادا وتۋدە. بۇل جەردە سارى قۇرلىقتىڭ ەڭ ۇزدىك تەننيسشىلەرى ءوزارا شەبەرلىك بايقاسۋدا. كۇنى كەشە عانا پارسى شىعاناعىنان قۋانىشتى حابار جەتتى. جۇپتىق باسەكەدە كيريلل گەراسيمەنكو مەن الان قۇرمانعاليەۆ شەشۋشى تۇستا يراندىق نيما الاميان مەن نوشاد الامياندى 4:0 ەسەبىمەن ويسىراتا ۇتىپ, الەمدىك دودانىڭ جولداماسىنا يەلىك ەتتى. ارالاس جۇپتار سايىسىندا ايدوس كەنجەعۇلوۆ پەن زاۋرەش اقاشەۆانىڭ دا اسىعى الشىسىنان ءتۇستى. ولار ءۇندىستاننىڭ وكىلدەرى – شارات اچانتا مەن سرەا اكۋلادان 4:3 ەسەبىمەن ايلاسىن اسىردى.
جەكەلەگەن باسەكەدە توعىز جەرلەسىمىز ونەر كورسەتىپ, سولاردىڭ اراسىنان تەك كيريلل گەراسيمەنكونىڭ جولى بولدى. ول ساۋد ارابياسىنىڭ سپورتشىسى حاليد ءال-ءشاريفتى باس كوتەرتپەي ۇتتى.
