سەبەبى سۇرانىم يەسىنىڭ ءوتىنىشى جانە وزگە دە سەبەپتەرمەن قازاقستاندىقتار بىرجولعى زەينەتاقى تولەمدەرىن بەلگىلەنگەن مەرزىمدە تۇرعىن ءۇي جاعدايىن جاقسارتۋعا پايدالانباعان.
«سالىمشىلار وزدەرىنىڭ جيناقتارىن پايدالاناتىن ماقساتتاردى تالداي وتىرىپ, كەلەسى نەگىزگى باعىتتاردى اتاپ وتۋگە بولادى. كوبىنەسە (بارلىق ورىندالعان وتىنىشتەردىڭ 35,7%-ى نەمەسە اۋدارىلعان سومالاردىڭ 64,3%-ى) – بۇل ازاماتتىق-قۇقىقتىق مامىلەلەر بويىنشا مەنشىككە تۇرعىن ءۇي ساتىپ الۋ (تۇپكىلىكتى ەسەپ ايىرىسۋ) جانە جەكە تۇرعىن ءۇي سالۋ (مەنشىگىندە جەر ۋچاسكەسى بولعان جاعدايدا). وتىنىشتەردىڭ شامامەن 21%-ى (جانە اۋدارىلعان سومانىڭ 8,2%-ى) ودان ءارى جيناقتاۋ ءۇشىن تۇرعىن ءۇي قۇرىلىس جيناق اقشاسىنا سالىمدى تولىقتىرۋ ماقساتىندا ورىندالدى. وتىنىشتەردىڭ وسى مانگە جاقىن مولشەرى (20,87%) سالىمشىلاردىڭ زەينەتاقى جيناقتارىن تۇرعىن ءۇي قۇرىلىس جيناقتارى جۇيەسى بويىنشا پايدالانۋى ءۇشىن بەرىلگەن. بۇعان بارلىق اۋدارىلعان بىرجولعى تولەمدەردىڭ شامامەن 13%-ى جىبەرىلدى. وتىنىشتەردىڭ شامامەن 20%-ى (بىرجولعى تولەمدەردىڭ شامامەن 13%-ى) العاشقى جارنادان باستاپ قايتا قارجىلاندىرۋعا جانە تولىق وتەۋگە دەيىنگى يپوتەكالىق تۇرعىن ءۇي قارىزىن پايدالانۋ ماقساتىندا ورىندالدى», دەلىنگەن قور حابارلاماسىندا.
2022 جىلى بجزق زەينەتاقى جيناقتارىن تۇرعىن ۇيگە پايدالانۋعا بەرىلگەن 610 283 ءوتىنىشتى ورىنداپ, ارنايى شوتتارعا 703 ملرد تەڭگە اۋدارىلعان. بۇل الدىڭعى جىلمەن سالىستىرعاندا 3,5 ەسەگە از. بىرجولعى زەينەتاقى تولەمدەرىنىڭ ورتاشا سوماسى دا ازايعان – 1,2 ملن تەڭگە. سالىستىرار بولساق, 2021 جىلى ورتاشا سوما 3,4 ملن تەڭگە بولعان.
2021 جىلدىڭ قاڭتارىنان 2022 جىلدىڭ 31 جەلتوقسانىنا دەيىن بجزق جالپى سوماسى 318,9 ملرد تەڭگەگە ەمدەلۋگە 401 975 ءوتىنىشتى ورىنداپتى. ال 2022 جىلى ەمدەلۋگە بەرىلگەن 262 117 ءوتىنىش ورىندالدى. بۇل 2021 جىلمەن سالىستىرعاندا 2 ەسە كوپ. بجزق دەنساۋلىققا قاتىستى ماسەلەلەردى شەشۋ ءۇشىن قازاقستاندىقتاردىڭ ارنايى شوتتارىنا 192,4 ملرد تەڭگە جىبەردى. 2021 جىلمەن سالىستىرعاندا 1,5 ەسەگە كوپ. ەمدەۋگە تولەنەتىن ورتاشا سوما 2022 جىلى 0,7 ملن تەڭگەنى, 2021 جىلى 0,9 ملن تەڭگەنى قۇرادى.
كوبىنەسە (وتىنىشتەردىڭ 96%-دان استامى) قازاقستاندىقتار وزدەرىنىڭ جيناقتارىن مەديتسينالىق ماقساتتا ستوماتولوگيالىق قىزمەتتەرگە پايدالانادى. وتىنىشتەردىڭ تەك 2,8%-ى وفتالمولوگيالىق قىزمەتتەردى الۋ ماقساتىندا ورىندالدى.
