جەرلەستەرىمىز قيىر شىعىستاعى العاشقى ەكى كەزدەسۋىندە حاباروۆسكىنىڭ «امۋرىنان» جەڭىلىپ قالعان بولاتىن. ال ۆلاديۆوستوكتىڭ «ادميرالىمەن» كەزدەسۋىندە جاقسى ناتيجە كورسەتتى. ويىننىڭ 6 مينۋتىندا الاڭ يەلەرى ەسەپ اشقانىنا قاراماستان, ءبىزدىڭ جىگىتتەردىڭ باسىمدىعى انىق بايقالدى. ايتقانداي-اق, كەلەسى گول كوپ كۇتتىرگەن جوق. 15 مينۋتتا ءادىل بەكەتاەۆتان تاماشا پاس العان الەكس گرانت تارازى باسىن تەڭەستىردى. ۇزىلىستەن كەيىن 33 جاستاعى كانادالىق لەگيونەر تىپتەن قاناتتانىپ كەتتى. ول «ادميرالدىڭ» قاقپاسىن تاعى ءۇش مارتە ءدال كوزدەدى. سول ارالىقتا لەونيد تامبيەۆ قاقپاشىنى اۋىستىرىپ, نيكيتا سەرەبرياكوۆتىڭ ورنىنا تاجىريبەلى الەكساندر لازۋشين شىقتى. بىراق ودان ەشتەڭە وزگەرگەن جوق. وسىلايشا, الەكس گرانتتىڭ ەسىمى قحل-دىڭ تاريحىندا ءتورت گول سوققان تۇڭعىش قورعاۋشى رەتىندە قالدى. ال ماتچتىڭ نۇكتەسىن ەگور پەتۋحوۆ قويدى. قورىتىندى ەسەپ – 1:5.
ءدال سول كۇنى چەليابىنىڭ «تراكتورى» ءوز مۇز ايدىنىندا ماسكەۋدىڭ تسسكا-سىنا ەسە جىبەردى. سونىڭ ارقاسىندا «بارىس» پلەي-وفف اۋماعىندا قالدى.
