قر باس مەملەكەتتىك سانيتاريالىق دارىگەرىنىڭ مالىمەتىنشە, قازاقستاندا كوروناۆيرۋستىق ينفەكتسيا بويىنشا ەپيدەميولوگيالىق جاعداي تۇراقتى. الايدا, قاراشا ايىنىڭ سوڭىنان باستاپ سىرقاتتانۋشىلىقتىڭ ءوسۋى بايقالدى, جەلتوقسان ايىندا سىرقاتتانعانداردىڭ ورتاشا تاۋلىكتىك سانى كۆي+ 200-گە دەيىن جانە كۆي- 10-عا دەيىنگى جاعدايدى قۇرادى.
بولىنگەن شتامداردىڭ سوڭعى رەتتىلىگى رەسپۋبليكادا 100% جاعدايدا COVID-19 وميكرون نۇسقاسىنىڭ اينالىمى انىقتالعانىن كورسەتتى.
ەپيدەميولوگيالىق جاعدايدى باعالاۋ ماتريتساسىنا سايكەس رەسپۋبليكا جانە بارلىق وڭىرلەر جاسىل ايماقتا ورنالاسقان. رەسپۋبليكا بويىنشا جانە پاۆلودار وبلىسىن قوسپاعاندا, 19 وڭىردە ينفەكتسيانىڭ تارالۋ كورسەتكىشى (R) بىرلىكتەن تومەن.
سونىمەن قاتار ا.ەسماعامبەتوۆا ۋاقتىلى ۆاكتسيناتسيالاۋدى جانە رەۆاكتسيناتسيالاۋدى, حالىق كوپ جينالاتىن ورىنداردا بەتپەردەنى پايدالانۋدى, ادامدار كوپ جينالاتىن ورىندارعا بارۋدى شەكتەۋدى, قولدى وڭدەۋ ءۇشىن انتيسەپتيكتەردى نەمەسە دەزينفەكتسيالىق مايلىقتاردى پايدالانۋدى ۇسىندى.
«ەلىمىزدە جانە الەمدە كوروناۆيرۋسپەن سىرقاتتانۋشىلىقتىڭ وسۋىنە بايلانىستى قوسىمشا شەكتەۋ شارالارىن ەنگىزۋ تۋرالى باق-تىڭ كوپتەگەن سۇراۋلارىن ەسكەرە وتىرىپ, قازاقستاندا ەلگە كىرۋ كەزىندە دە, الەمنىڭ كەز كەلگەن ەلىنە, ونىڭ ىشىندە قحر-عا شىعۋ كەزىندە دە قانداي دا ءبىر شەكتەۋ شارالارىن ەنگىزۋ جوسپارلانبايدى», دەپ اتاپ ءوتتى قر باس مەملەكەتتىك سانيتاريالىق دارىگەرى.
