«جىل سايىن ءبىز ۋنيۆەرسيتەتتەردەن وقۋ اقىسىن كوتەرمەۋدى سۇرايمىز, بىراق نارىقتاعى باعانىڭ وزگەرۋىنە بايلانىستى جوو-لار وقۋ قۇنىن ينفلياتسيا ساندارىنا بايلانىستى قايتا قارايدى», دەپ ءتۇسىندىردى قۋانىش ەرعاليەۆ.
بۇل رەتتە ۆيتسە-مينيستر وتكەن جىلعى ينفلياتسيانى مىسال رەتىندە كەلتىردى.
«ماسەلەن, وتكەن جىلى, ينفلياتسيا 14%-دى قۇرادى, كەيبىر جوعارى وقۋ ورىندارى دا وقۋ اقىسىن 14%-عا كوتەردى. ارينە, ءبىز جوعارى وقۋ ورىندارىن وقۋ اقىسىن كوتەرمەۋگە شاقىرامىز, بىراق جاعداي ەكونوميكالىق جاعىنان ءار ءتۇرلى بولۋى مۇمكىن», دەپ اتاپ ءوتتى قۋانىش ەرعاليەۆ.
ونىڭ ايتۋىنشا, ءار ۋنيۆەرسيتەتتىڭ وزىندىك قۇنى بار, ورتاشا كورسەتكىش - جىلىنا 300-400 مىڭ تەڭگە. بىراق كەيبىر ۋنيۆەرسيتەتتەردە جىلدىق وقۋ اقىسى 500-600 مىڭ تەڭگەدەن دە اسادى.
«وقۋ قۇنى - وزەكتى ماسەلە, كەلىسەمىن. ايتا كەتسەك, وقۋ اقىسىن جوعارى وقۋ ورىندارىنىڭ وزدەرى انىقتاۋعا قۇقىلى. وقۋ اقىسى ولاردىڭ شىعىندارىنا دا بايلانىستى وزگەرۋى مۇمكىن. بارلىعى ەكونوميكاعا بايلانىستى. ينفلياتسيا دەڭگەيىندەگى ءوسۋ - بۇل تابيعي پروتسەسس», دەپ قوستى ۆيتسە-مينيستر.
جالپى, قازاقستاندا 600 مىڭ ستۋدەنت بار. ولاردىڭ شامامەن 40%-ى گرانتتا وقىسا, قالعان 60%-ى اقىلى نەگىزدە وقيدى.
