قىزىلشا القابى ەكى ەسە ۇلعايادى

بىلتىر جەرگىلىكتى شارۋا قوجا­لىقتارىنىڭ يەلەرى 5،5 مىڭ گەكتارعا بالتامىر وتىرعىزعان بولاتىن. بار­لىق القاپتان 173،1 مىڭ توننا ءتات­تى ءتۇبىر جينالدى. 2021 جىلمەن سالىس­تىر­ع­اندا ءونىم كولەمى 45،8 مىڭ توننا­عا ارتقان. ال ءار گەكتاردان ورتاشا ەسەپپەن 415،7 تسەنتنەردەن ءونىم الىنعان.

«جالپى العاندا، مەملەكەت تاراپىنان كورسەتىلىپ وتىرعان قولداۋ ناتيجەسىندە بيىل قانت قىزىلشاسى القابىن 10 مىڭ گەكتارعا دەيىن جەتكىزۋ جوسپارلانعان. سول مەجەگە جەتۋدى باستى ماقسات ساناپ وتىرمىز. بۇدان بولەك ءوڭىردىڭ سۋارمالى جەرلەرىنىڭ كولەمى 179،2 مىڭ گەكتاردى قۇرايدى. ونىڭ 55،2 مىڭ گەكتارى ءتيىستى نورماتيۆتەرگە سايكەس سۋمەن قامتاماسىز ەتىلسە، 47 مىڭ گەك­تار القاپ 30-40 پا­يىز دەڭگەيدە قام­تىلعان (قالعان 77 مىڭ گەكتەر جەر تالىمدىك القاپ رەتىندە پايدالانىلۋدا).

حالىقارالىق قارجى ينستيتۋتتارى ارقىلى 35 ملرد تەڭگە قارجى ءبولىنىپ (13،9 ملرد تەڭگە يگەرىلدى)،  25 مىڭ گەكتار سۋارمالى القاپ قالپىنا كەلتىرىلدى.

2022-2024 جىلدارى 306 سۋ نىسانىنا جوندەۋ جۇمىستارىن جۇرگىزىپ، 55 مىڭ گەكتار القاپتى اينالىمعا قوسۋ كوزدەلگەن. بيىلدىڭ ءونىمى ءۇشىن كۇزگى دالا جۇمىستارىن جۇرگىزۋگە 10 725 توننا ارزانداتىلعان ديزەل وتىنى ءبولىندى.

جالپى، وڭىردە كۇزگى دالا جۇمىس­تارىن قالىپتى ىرعاقپەن جۇرگىزۋ­گە، قانت قىزىلشاسى القابىن ۇلعاي­تۋعا ايرىقشا نازار اۋدارىلىپ وتىرعا­نىن ايتا كەتكەن ءجون»، دەدى ءوڭىر باسشى­سىنىڭ ورىنباسارى قاناتبەك مادىبەك.

قانت قىزىلشاسىن ەگۋدى كاسىبىنە اينالدىرعان شارۋالار دا جۇمىس قارقىنىن ۇدەتە تۇسۋگە نيەتتى سەكىلدى.

«قانت قىزىلشاسىن ءوسىرۋ – شارۋا­لار ءۇشىن وتە پايدالى ءارى تابىستى ءىس. نەعۇرلىم ەرتە ەكسەڭ، ءونىم سو­عۇر­لىم مول بولادى. بۇل داقىل ءتۇرى 5 گرادۋس سۋىققا دەيىن ءتوزىمدى. ونىڭ ۇستىنە قانت قىزىلشاسىن وسىرۋشىلەرگە مەم­­لە­كەتتەن جان-جاقتى قولداۋ كور­سەتىلەدى. بىلتىر 900 گەكتارعا بال­تا­مىر ەگىپ، ءار گەكتارىنان 600 تسەنت­نەردەن ءونىم الدىق. بيىل ەگىس كولە­مىن ۇلعايتۋدى كوزدەپ وتىرعان جا­يى­مىز بار»، دەدى «قىزىلشا جەر» جشس باس ديرەكتورى امانگەلدى اياعانوۆ.

دەرەكتەرگە سۇيەنسەك، وبلىس بو­يىنشا جينالعان ءونىمنىڭ 117،1 مىڭ تونناسى قانت زاۋىتىنا وتكىزىلىپ، ودان 11،1 مىڭ توننا قانت ءوندىرىلدى.

2022 جىلى قانت قىزىلشاسىنا بەرىلەتىن قولداۋ كولەمى تونناسىنا 30 مىڭ تەڭگەنى قۇراسا، ونىڭ 15 مىڭ تەڭگەسى قانت زاۋىتىنان، قالعان 15 مىڭ تەڭگەسى مەملەكەت تاراپىنان تولەندى. 80 شارۋاشىلىققا 1 504،3 ملن تەڭگە سۋبسيديا بەرىلدى. ال 2023 جىلى قانت قىزىلشاسىنا بەرىلەتىن مەملەكەت­تىك قولداۋ 40 مىڭ تەڭگەگە جەتەدى. ياعني قانت زاۋىتتارى تولەيتىن سوما – 15 مىڭ تەڭگە، مەملەكەتتىڭ قولداۋ قارجىسى 25 مىڭ تەڭگەنى قۇرايدى.

شارۋا قوجالىقتارىنىڭ جەتەكشى­لەرى ءار گەكتاردان 800 تسەنتنەرگە دەيىن ءونىم الاتىن جاڭا تەحنولوگيالاردى قولدانسا، قانت زاۋىتتارى جۇمىستى دۇرىس ۇيىمداستىرىپ وتىرعان بارلىق شارۋانىڭ 65-70 پايىزىن تۇقىممەن قامتاماسىز ەتەدى. قانت قىزىلشا­سى القابىنىڭ كولەمىن ارتتىرۋ­دىڭ ماڭىزى زور. بۇل ءوڭىردى شيكىزات­پەن تولىق قامتۋعا مول مۇمكىندىك بەرەدى. ءوز كەزەگىندە شەت مەملەكەتتەرگە تاۋەلدىلىكتى جويۋعا دا سەپ بولماق.

جامبىل وبلىسى