ميكروقارجى ۇيىمى بانككە اينالماق

«ونلاينكازفينانس» مقۇ اق KASE-گە 2022 جىلعى 15 جەل­توق­سانداعى جالعىز اكتسيونەرىنىڭ «ميكروقارجى ۇيىمىنان بانككە قايتا قۇرۋ نىسانىندا ەرىكتى تۇردە قايتا ۇيىمداستىرۋدى جۇزەگە اسىرۋ» شەشىمى تۋرالى حابارلادى», دەلىنگەن ماتىندە. ەسكە سالايىق, «ونلاينكازفينانس» قارجىلىق ۇيىمى حالىقارالىق IDF Eurasia قارجىلىق توبىنىڭ قۇرامىنا كىرەدى. ۇيىم قازاقستان نارىعىندا 2016 جىلدان بەرى جۇمىس ىستەپ كەلە جاتىر. مقۇ نەگىزىنەن جەكە تۇلعالار مەن شاعىن جانە ورتا بيزنەسكە (شوب) نەسيە بەرۋمەن اينالىسادى. IDF Eurasia نەگىزىن سالۋشىلاردىڭ ءبىرى بوريس باتين 2021 جىلى قازان ايىندا وتاندىق Forbes باسىلىمىنا بەرگەن سۇحباتىندا ۇيىمنىڭ بانككە اينالۋ تۋرالى ويى بار ەكەنىن ايتقان ەدى.

ء«بىزدىڭ ونداي جوسپارىمىز بار. قازىرگى نەسيە ونىمدەرىنەن بولەك قىزمەت سپەكترىن كەڭەيتكىمىز كەلەدى. اسىرەسە, شوب كليەنتتەرى ءۇشىن. نەگىزىنەن, ەسەپتەۋ شوتتارىن ىسكە قوسىپ, بۋحگالتەريا جۇرگىزىپ, كارتا شىعارىپ, تولەم پروتسەسىن جولعا قويىپ, اينالىم قاراجاتى ءۇشىن نەسيە ۇسىنعىمىز كەلەدى. مۇنىڭ كوبى بانك ليتسەنزياسىن تالاپ ەتەدى. بانك اتانعان كەزدە قورلاندىرۋ كوزىن وزگەرتپەيمىز, تەك كەڭەيتەمىز. قازىردىڭ وزىندە قورلارمەن ءساتتى جۇمىس ىستەپ جاتىرمىز. ال دەپوزيت قوسىمشا قاراجات تارتۋدىڭ قۇرالى بولىپ قالا بەرەدى. بانككە اينالعان سوڭ تەحنولوگياعا كوبىرەك ءمان بەرىپ, كليەنتتەرگە قىزمەت كورسەتۋدىڭ ىڭعايلى ۇلگىسىن قالىپتاستىرامىز. شوب كليەنتتەرى ءۇشىن ماكسيمالدى ساپالى قىزمەت ۇسىنعىمىز كەلەدى. قازىر كليەنتتىك بازامىزعا تسيفرلىق قىزمەتتەردى قالاي پايدالانۋ كەرەكتىگىن ۇيرەتىپ, وقىتىپ جاتىرمىز. ويتكەنى بۇل ولاردىڭ ۋاقىتىن, كۇش-جىگەرىن جانە رەسۋرستارىن ۇنەمدەيدى», دەگەن ەدى ب.باتين.

ميكروقارجى ۇيىمدارىنىڭ بانككە اينالۋ پەرسپەكتيۆاسىنا قاتىستى قارجى نارىعىن رەتتەۋ جانە دامىتۋ اگەنتتىگىنىڭ باسشىسى ءمادينا ابىلقاسىموۆا دا پىكىر بىلدىرگەن.

ء«بىزدىڭ كوزقاراسىمىز بويىنشا ءبىرىنشى كەزەكتە شوب-تى قولداۋعا باعىتتالعان ءىرى مقۇ-نى بانكتەرگە اينالدىرۋدىڭ وبەكتيۆتى قاجەتتىلىگى بار. بۇل مۇمكىندىكتى جاقىن ارادا جۇزەگە اسىرعىمىز كەلەدى. اتالعان پروتسەسس باسەكەلەستىكتى ىنتالاندىرادى جانە تۇتىنۋشىلارعا قارجىلىق قىزمەتتەردىڭ قولجەتىمدىلىگىن ارتتىرادى جانە قارجى ينستيتۋتتارى ءۇشىن بەلگىلەنگەن جالپى پرۋدەنتسيالدىق تالاپتار مەن ستاندارتتاردى ساقتاۋ­دى كوزدەيدى», دەگەن ەدى ءمادينا ابىلقاسىموۆا.

ەسكە سالايىق, قارجى نارىعىن رەتتەۋ جانە دامىتۋ اگەنتتىگى 2022 جىلعى 22 قاراشادا «ميكروقارجى ۇيىمىن بانككە اينالدىرۋ نىسانىندا ەرىكتى تۇردە قايتا ۇيىمداستىرۋعا رۇقسات بەرۋ قاعيدالارىن, سونداي-اق ميكروقارجى ۇيىمىن بانككە اينالدىرۋ نىسانىندا ەرىكتى تۇردە قايتا ۇيىمداستىرۋعا ۋاكىلەتتى ورگاننىڭ رۇقساتىن بەرۋ ءۇشىن قاجەتتى قۇجاتتار تىزبەسىن, ميكرو­قار­جى ۇيىمىن بانككە اينالدىرۋعا ۋاكى­لەتتى ورگان­نىڭ رۇقساتىن الۋعا ارنال­عان ءوتىنىش­تىڭ, رۇقسات­تىڭ نىسان­دارىن جانە مالىمەت­تەردىڭ نى­ساندارىن بەكىتۋ تۋرالى» باس­قار­مانىڭ №93 قاۋلىسىن قابىلداعان ەدى.

قاۋلى 2022 جىلدىڭ 12 قىركۇيەگى­نەن باستاپ قولدانىسقا ەنگىزىلگەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندى­رۋ نارىعىن جانە باعالى قاعازدار نارىعىن رەتتەۋ مەن دامىتۋ, بانك قىز­مەتى ماسەلەلەرى بويىنشا وزگەرىس­تەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ نورمالارىن ىسكە اسىرۋ ءۇشىن ازىرلەندى.

زاڭ قولدانىسقا ەنگىزىلگەنگە دەيىن ميكروقارجى ۇيىمدارى بانكتىك جانە وزگە دە وپەراتسيالاردى جۇرگىزۋگە ليتسەنزيانى جالپى تارتىپپەن عانا الا الاتىن.

اتاپ ايتقاندا, ميكروقارجى ۇيى­مى رەتىندە ءوز قىزمەتىن توقتاتۋ; ءتيىستى لي­تسەنزيانى ۋاكىلەتتى ورگانعا قايتارۋ; كرەديتورلار الدىنداعى بارلىق مىن­دەت­تەمەلەرىن ورىنداۋ; جاڭا زاڭدى تۇل­عانى تىركەۋ راسىمىنەن ءوتۋ; بانك اشۋعا رۇقسات الۋ; سودان كەيىن بانكتىك جانە وزگە دە وپەراتسيالاردى جۇرگىزۋگە ليتسەنزيا الۋعا ءوتىنىش بەرۋ قاجەت بولدى.

ميكروقارجىلىق قىزمەتتىڭ ءماج­بۇر­لى تۇردە توقتاتىلا تۇرۋى­نا بايلا­نىستى بۇل راسىمدەر ميكرو­قارجى ۇيىمدارى مەن ولاردىڭ كليەنت­تەرىنىڭ ورنىقتىلىعىنا تەرىس اسەر ەتكەن بولار ەدى.

بانك وپەراتسيالارىن نەمەسە وزگە دە وپەراتسيالاردى جۇرگىزۋگە ليتسەنزيا الۋ كەزىندە ميكروقارجى ۇيىمدارى قىزمەتىنىڭ توقتاپ قال­ماۋىن قامتاماسىز ەتۋ ءۇشىن زاڭمەن ميكروقارجى ۇيىمىن بانككە اينالدىرۋ نىسانىندا قايتا قۇرۋ مۇمكىندىگى كوزدەلىپ وتىر. ءوز كەزەگىندە, قاۋلىمەن ميكروقارجى ۇيىمىن بانككە اينالدىرۋ نىسانىندا ەرىكتى تۇردە قايتا ۇيىمداستىرۋعا رۇقسات بەرۋ ءتارتىبى, سونداي-اق ميكروقارجى ۇيىمىن بانككە اينالدىرۋ نىسانىندا ەرىكتى تۇردە قايتا ۇيىمداستىرۋعا ۋاكىلەتتى ورگاننىڭ رۇقساتىن بەرۋ ءۇشىن قاجەتتى قۇجاتتار تىزبەسى  ايقىندالادى.

«قاۋلىنى قابىلداۋ مۇددەلى ميكروقارجى ۇيىمدارىنا بانككە اينالدىرۋ راسىمدەرىنە باستاما جاساۋعا مۇمكىندىك بەرەدى, ولارعا بانك وپەراتسيالارىن جانە وزگە دە وپەراتسيالاردى جۇرگىزۋگە ليتسەنزيا الۋ ساتىنە دەيىن كليەنتتەرگە قىزمەت كورسەتۋ مۇمكىندىگىن بەرەدى», دەلىنگەن اگەنتتىك حابارلاماسىندا.

ياعني ميكروقارجى ۇيىمى بانك بولىپ قايتا قۇرىلۋ ءراسىمىن جاساۋ كەزىندە ميكروقارجى سۋبەكتىسى رەتىندە ءوز كليەنتتەرىنە قىزمەت كور­سەتۋدى جالعاستىرا بەرەدى. بۇل ولار­دىڭ مقۇ رەتىندە جۇمىسىنىڭ توقتاپ قالماۋىنا مۇمكىندىك جاسايدى.