ولار ەندى شەتەلدىك جوعارى وقۋ ورىندارىندا عىلىمي تاعىلىمدامادان وتەدى.
ۋنيۆەرسيتەت قۇرامىنداعى «پوليتەحنيكالىق ينستيتۋت» ديرەكتورىنىڭ ورىنباسارى, تەحنيكا عىلىمدارىنىڭ كانديداتى ءسابينا حايرۋللينا مەن «اگروتەحنولوگيا ينستيتۋتىنىڭ» دوتسەنتى مىندەتىن اتقارۋشى, PhD دوكتورى ارايگۇل جۇماەۆا بەلارۋس ەلىندەگى مەملەكەتتىك اگرارلىق-تەحنيكالىق ۋنيۆەرسيتەتىندە عىلىمي تاجىريبە تولىقتىرادى. ءسابينا عۇمارقىزى «اۋىلشارۋاشىلىعى تەحنيكاسىن دامىتۋ مەن اۋىلشارۋاشىلىعىن تسيفرلاندىرۋدىڭ وزەكتى ماسەلەلەرى» باعىتى بويىنشا التى اي ءبىلىمىن جەتىلدىرسە, ارايگۇل قاجمۇقانبەتقىزى «تاعام قاۋىپسىزدىگى» ماماندىعى بويىنشا ءبىر جىل ءىس-تاجىريبەسىن تولىقتىرادى.
ال «ۆەتەرينارلىق مەديتسينا جانە مال شارۋاشىلىعى» ينستيتۋتىنىڭ اعا وقىتۋشىسى, ماگيستر اينۇر داۋلەتوۆا ك.ا.تيميريازەۆ اتىنداعى ماسكەۋ اۋىلشارۋاشىلىق اكادەمياسىندا مال شارۋاشىلىعى, سونىڭ ىشىندە قۇس شارۋاشىلىعى باعىتىندا التى اي عىلىمي تاعىلىمدامادان ءوتۋ ءۇشىن رەسەيگە جول جۇرەدى.
ايتا كەتەيىك, بۇعان دەيىن دە جاڭگىر حان ۋنيۆەرسيتەتىنىڭ قوس عالىمى «بولاشاق» حالىقارالىق ستيپەندياسىن جەڭىپ العان بولاتىن.
باتىس قازاقستان
