«قازسەلدەنقورعاۋ» مم مالىمەتىنشە, جول الدىن الا جابىق بولاتىن. قازىرگى ۋاقىتتا ۋچاسكەنى جول قىزمەتتەرىنىڭ تەحنيكاسى تازارتىپ جاتىر. جول ۋاقىتشا جابىق كۇيىندە قالادى.
شقو تجد بىرنەشە كۇن بويى قاتتى جەل مەن قاردىڭ جاۋىنا بايلانىستى كوشكىن قاۋپى تۋرالى ەسكەرتكەن.
سونىمەن قاتار بۇگىن «وسكەمەن-التاي» ۋچاسكەسىندە كوشكىندەردى ماجبۇرلەپ ءتۇسىرۋ جۇرگىزىلدى.
«بەتكەيلەردەن قار ماسسالارىن باقىلاناتىن ءتۇسىرۋ جۇمىستارى جۇرگىزىلە باستادى. الدىن الۋ ءىس-شارالارىن جۇرگىزە وتىرىپ, ءبىز جاعدايدى تۇراقتاندىرامىز جانە سول ارقىلى تۇرعىندار مەن اۆتوجولدار ۋچاسكەلەرى ارقىلى وتەتىن كولىكتەردىڭ قاۋىپسىزدىگىن قامتاماسىز ەتەمىز. ناتيجەسىندە ۋچاسكەدە 4 رەت قار ءتۇسىرىلدى, بارلىعى 8200 تەكشە مەتر قار ءتۇستى. الداعى كۇندەرى بۇل پروفيلاكتيكالىق جۇمىس جالعاسادى», دەدى «قازسەلدەنقورعاۋ» شق فيليالىنىڭ باسشىسى ومار دۇزگىمباەۆ.
شقو تجد وڭىردە قار كوشكىنى قاۋپىنىڭ ساقتالاتىنىن حابارلايدى. تۇرعىندار قۇتقارۋشىلاردىڭ ۇسىنىمدارىنا نەمقۇرايدى كاراماۋعا جانە تاۋلى جەرلەرگە, كوشكىن قاۋپى بار ۋچاسكەلەرگە بارماۋعا ءتيىس. توتەنشە جاعداي كەزىندە 112 ءنومىرى بويىنشا حابارلاۋ قاجەت.
