«اەروپورت» شاعىن اۋدانىنداعى ەكى مىڭنان استام پاتەر جىلۋسىز قالدى. ماگيسترالدىق جىلۋ جۇيەسىندە تاعى اقاۋ ورىن الدى. ناتيجەسىندە, قالاداعى 30 كوپقاباتتى ءۇي مەن ءبىر جاتاقحانادا جىلۋ ءوشىرىلدى.
قوستاناي اكىمدىگىنىڭ ءباسپاسوز قىزمەتى حابارلاعانداي, كوپقاباتتى تۇرعىن ۇيلەر كەشكى ساعات 20:00-گە دەيىن جىلۋسىز قالادى.
ەسكە سالايىق, بۇعان دەيىن جىلۋ جۇيەسىندەگى اپات 5 جەلتوقسان كۇنى ورىن العان, وقيعا ورنىنا جۇمىلدىرىلعان جۇمىسكەرلەر اپاتتى جاعدايدى ەكى اپتادان كەيىن جوندەۋگە كىرىسكەن. ناتيجەسىندە 30 ءۇي, مەكتەپ, اۋەجاي عيماراتى جىلۋسىز قالدى.
بۇعان دەيىن جىلۋمەن قامتۋ مەكەمەسى گەراسيموۆ كوشەسىنىڭ بويىنداعى ۇزىندىعى 985 مەتر جەراستى جىلۋ ماگيسترالىن قايتا جاڭعىرتۋدى تالاپ ەتكەن ەدى. بۇگىندە بۇل جوندەۋ جۇمىستارى 988 ملن تەڭگەگە باعالانىپ وتىر.
