بەرىك اسىلوۆ 2022 جىلدىڭ 5 قاڭتارىندا 8 ءوڭىردىڭ اكىمدىكتەرى ءبىر ۋاقىتتا شابۋىلعا ۇشىراعانىن اتاپ ءوتتى.
ونىڭ ايتۋىنشا, 5 قاڭتارعا قاراعان ءتۇنى شابۋىلداۋشىلار الماتى اكىمدىگىنىڭ عيماراتىنا باسىپ كىرگەن, ال ءبىر ساعاتتان كەيىن شىمكەنت اكىمدىگىنىڭ عيماراتىنا شابۋىل جاسالدى. سول كۇنى ساعات 15-تە قىلمىسكەرلەر اتىراۋ مەن قىزىلوردا قالالارىنداعى وبلىستىق اكىمدىكتەردىڭ عيماراتتارىنا شابۋىل جاساي باستادى. ءدال سول ۋاقىتتا الماتىدا شابۋىلشىلار اكىمدىكتى ورتەپ, پرەزيدەنت رەزيدەنتسياسىنىڭ عيماراتىنا اۋىستى.
- «اننا», «قورعان» جانە «الپامىس» اڭشىلىق دۇكەندەرى تونالدى, سودان كەيىن قىلمىسكەرلەر اۆتوكولىكتەرمەن الاڭعا قارۋ كىرگىزىپ, ونى ميتينگكە قاتىسقاندارعا تاراتا باستادى. مۇندا نازار اۋداراتىن ماڭىزدى نارسە - ەلدىڭ قاۋىپسىزدىك قىزمەتكەرلەرى جاۋىنگەرلىك قارۋدى 5 قاڭتاردا ساعات 16:00-دە پرەزيدەنت رەزيدەنتسياسىن قورعاۋ كەزىندە قولداندى. بۇدان ءارى قاۋىپسىزدىك كۇشتەرى قارۋدى پوليتسيا عيماراتتارىنا, اكىمدىكتەرگە, باسقا وبەكتىلەرگە, ياعني تارتىپسىزدىكتەر زورلىق-زومبىلىق كەزەڭىنە وتكەن كەزدە شابۋىلداردى تويتارۋ كەزىندە قولداندى. ياعني, شابۋىلداۋشىلارعا پرەزيدەنتتىڭ سوزىنەن بۇرىن وق اتىلعان», - دەپ ناقتىلادى بەرىك اسىلوۆ.
باس پروكۋرور ادامداردىڭ ءومىرى مەن دەنساۋلىعىنا قاۋىپ تونگەن كەزدە شابۋىلدى تويتارۋ ءۇشىن جاۋىنگەرلىك قارۋدى قولدانۋعا مۇمكىندىك بەرەتىن قۇقىق قورعاۋ قىزمەتى, ۇلتتىق ۇلان, تەرروريزمگە قارسى ءىس-قيمىل تۋرالى زاڭنىڭ تىكەلەي نورمالارى بار ەكەنىن قوسا ايتتى.
ء«دال وسىنداي قاۋىپتى جاعداي 5 قاڭتاردا تۇستەن كەيىن پايدا بولىپ, جاعداي وقشاۋلانعانعا دەيىن ساقتالدى», دەدى بەرىك اسىلوۆ.
