Qazavtojol اۋا-رايى ناشارلاعان ساتتەن باستاپ 2200 تەكشە مەتر مۇزعا قارسى ماتەريال جۇمسالعانىن اتاپ ءوتتى.
«8:45 دەرەكتەرى بويىنشا, اۋا رايىنىڭ قولايسىزدىعىنا بايلانىستى رەسپۋبليكالىق اۆتوجولداردىڭ 32 ۋچاسكەسى جابىق كۇيىندە قالىپ وتىر. تراسسالار اقمولا, جەتىسۋ, شىعىس قازاقستان, اباي, قاراعاندى, قوستاناي جانە پاۆلودار وبلىستارىندا جابىلدى», دەلىنگەن Qazavtojol ءباسپاسوز قىزمەتى تاراتقان حابارلامادا.
اتاپ وتىلگەندەي, اۋا رايىنىڭ قولايسىزدىعىنا بايلانىستى قاراعاندى, شىعىس قازاقستان جانە اباي وبلىستارىنداعى رەسپۋبليكالىق ماڭىزى بار اۆتوجولداردا اسا كۇردەلى جول جاعدايى قالىپتاستى.
«وتكەن تاۋلىكتە اتالعان وڭىرلەردە قار قۇرساۋىنان 200-گە جۋىق كولىك تارتىلىپ, 346 ادام قۇتقارىلدى», دەپ قوستى Qazavtojol ءباسپاسوز قىزمەتى.
