جولداردا تج جويۋ جونىندەگى رەسپۋبليكالىق شتاب قۇرىلدى. وسىعان ۇقساس شتابتار وڭىرلەردە جۇمىس ىستەپ جاتىر. بلوك-بەكەتتەردە 1000 بىرلىكتەن استام اۆتوكولىك قۇرالدارى جينالدى.
بۇگىن قۇتقارۋ بولىمشەلەرىمەن 691 ادام قۇتقارىلدى, ونىڭ ىشىندە 137 بالا بار. سونداي-اق 145 بىرلىك تەحنيكا قار قۇرساۋىنان شىعارىلدى.
«حالىقتى ەۆاكۋاتسيالاۋ ءۇشىن اۆتوجولداردىڭ جابىق ۋچاسكەلەرىندە ۋاقىتشا جىلىتۋ پۋنكتتەرى دايىندالدى. ەۆاكۋاتسيالاۋ ءۇشىن تەحنيكا دايىن تۇر. ۋاقىتشا جىلىتۋ پۋنكتتەرىندە 179 ادام, ونىڭ ىشىندە 16 بالا بار. حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 232 سمس-حابارلاما, سونداي-اق «دارمەن» ءموبيلدى قوسىمشاسى ارقىلى 114 حابارلاما جىبەرىلدى», دەلىنگەن مينيسترلىك حابارلاماسىندا.
اۆاريالىق-قۇتقارۋ جۇمىستارىنا بارلىعى 4000-نان استام ادام جانە 1300 بىرلىك تجم, ءىىم جانە جاو تەحنيكاسى جۇمىلدىرىلدى.
رەسپۋبليكالىق جەدەل-قۇتقارۋ جاساعىنىڭ كۇشىمەن تۇرگەن شاتقالىنان الماتى قالاسىنا 37 ماشينانى الىپ ءجۇرۋ جۇرگىزىلدى. جول قىزمەتتەرى جولدى تازارتۋ جۇمىستارىن جالعاستىرىپ جاتىر.
