«2023 جىلدىڭ 3 قاڭتارىندا ساعات 6-دا ەكىباستۇز قۇتقارۋشىلار گارنيزونىنىڭ كۇشىمەن زاقىمدالعان ۋچاسكەدەن سۋ ايداۋ جۇمىستارى جۇرگىزىلۋدە. ساعات 11-دە «گورۆوداكانال» مكك جانە «ينجەنەرلىك جەلىلەر» جشس قىزمەتكەرلەرى زاقىمدالعان ۋچاسكەنى اۋىستىرۋ جانە ديامەترى 500 مم تەحنيكالىق سۋ قۇبىرىن اجىراتۋ بويىنشا جوندەۋ جۇمىستارىن باستادى. سىرتقى اۋانىڭ تەمپەراتۋراسى - 2 س. اپات بولعان جەردە تجد, «گورۆوداكانال» مكك 58 ادامى جانە 16 بىرلىك تەحنيكا كۇشتەرى مەن قۇرالدارى جۇمىلدىرىلعان», دەپ حابارلادى تجد.
ۆەدومستۆونىڭ مالىمەتىنشە, ساعات 16:00-دە جىلۋ جەلىسىن قورەكتەندىرۋ رەزەرۆۋارلارىنداعى سۋ دەڭگەيى 7,5 مەتردى قۇرادى.
«جەو رەزەرۆۋارلارىن قۋاتتاندىرۋ ساعاتىنا 900 توننانى قۇرايدى (جىلۋ جەلىلەرىن قۋاتتاندىرۋ ساعاتىنا 600 توننا). قازىرگى ۋاقىتتا قورەكتەندىرۋ ديامەترى 150 مم (ساعاتىنا 150 توننا) اۋىز سۋ قۇبىرىنان جۇرگىزىلەدى. ۆاحتالىق جانە كوماندالىق-شتابتىق ماشينا بازاسىندا جىلىتۋ پۋنكتى اشىلدى, «Vita» ەرىكتىلەرى ىستىق تاماق ۇيىمداستىردى. تىرشىلىكتى قامتاماسىز ەتۋ وبەكتىلەرى شتاتتىق رەجيمدە جۇمىس ىستەيدى. اپات ورنىنا وبلىس, توتەنشە جاعدايلار دەپارتامەنتىنىڭ باسشىلىعى دا جەتتى», دەپ حابارلادى تجد.
