مەرەكەلىك جيىن بارىسىندا ءوز سالاسىندا وزا شاپقان 100-دەن استام مۇعالىمدەرگە ارنايى العىس حاتتار تابىستالىپ, سونىڭ ىشىندە ۇزدىكتەرگە, پەداگوگ مارتەبەسىن كوتەرىپ, ىنتالاندىرۋ ماقساتىندا كاسىپوداق ۇيىمى تاراپىنان اقشالاي سەرتيفيكاتتار بەرىلدى.
«تۇركىستان وبلىسى ءبىلىم جانە عىلىم قىزمەتكەرلەرىنىڭ جەرگىلىكتى كاسىپتىك وداعى» قوعامدىق بىرلەستىگىنىڭ توراعاسى باقىت ەركىنبەك وسى ءىس-شاراعا جەتىساي اۋدانىنىڭ ۇستازدارىن جاس ۇرپاققا ساپالى ءبىلىم مەن سانالى تاربيە بەرۋدەگى بەلسەندى ەڭبەگى جانە سالا قىزمەتكەرلەرىن الەۋمەتتىك قورعاۋداعى قىزمەتى ءۇشىن «كاسىپوداققا ەڭبەگى سىڭگەن قىزمەتكەر» بەلگىسىمەن, قۇرمەت گراموتالارمەن, العىس حاتتارمەن ماراپاتتاۋلارىن جولدادى.
جەتىساي اۋدانىنىڭ ادامي الەۋەتتى دامىتۋ ءبولىمىنىڭ باسشىسى عازيزا الىبەكقىزى جانە كاسىپوداق ۇيىمىنىڭ مامانى ساكەن نۇرلىباي ۇلى جىل ۇزدىكتەرىنە ارنايى العىس حاتتارمەن قوسا قارجىلاي سەرتيفيكاتتار تابىس ەتتى.
باس جۇلدە – ب.مومىش ۇلى اتىنداعى №6 مەكتەپ-گيمنازياسىنا «ۇزدىك مەكتەپ» 100 000 تەڭگە سەرتيفيكاتى مەكتەپ ديرەكتورى قوزىباق ءومىرحان ءجۇندىباي ۇلىنا تاپسىرىلدى.
جەتىساي اۋدانى ادامي الەۋەتتى دامىتۋ ءبولىمى باسشىسى مىندەتىن ۋاقىتشا اتقارۋشى عازيزا الىبەكقىزى, ۇستازدارعا ساتتىلىك تىلەپ, العىس ايتا وتىرىپ, بۇل فورماتتاعى ءىس - شارالار جالعاسىن تاباتىندىعىن ايتتى.
