«بيىل پارلامەنت 150 زاڭ جوباسىن قارادى. 79 زاڭ قابىلداندى. بۇل قۇجاتتار كونستيتۋتسيالىق رەفورمانى جۇزەگە اسىرۋعا باعىتتالعان. ازاماتتاردى الەۋمەتتىك جاعىنان قورعاۋعا, بيزنەستى وركەندەتۋگە ارنالعان. سونداي-اق قاۋىپسىزدىكتى جانە قۇقىقتىق ءتارتىپتى قامتاماسىز ەتۋدى كوزدەيدى», دەدى توقاەۆ.
اتاپ ايتقاندا, بالا كۇتىمىنە بايلانىستى تولەم مەرزىمى 1 جىلدان 1,5 جىلعا دەيىن ۇزارتىلدى. بۇل شارا بالالاردىڭ دا, ولارعا كۇتىم جاساۋشىلاردىڭ دا الەۋمەتتىك قاۋىپسىزدىگىن ارتتىرادى. جاستار ساناتىنىڭ دەڭگەيى 29-دان 35 جاسقا دەيىن ءوسىرىلدى. بۇل ازاماتتاردىڭ مەملەكەتتىك قولداۋ شارالارىن كوبىرەك الۋىنا مۇمكىندىك بەرەدى. بالالاردى كيبەربۋللينگتەن قورعايتىن زاڭنامالىق مەحانيزمدەر ەنگىزىلدى.
