اتالعان جوبا ءبىلىم بەرۋ ساپاسىن ارتتىرۋعا, اۋىل مەكتەپتەرىنە ۇزدىك پەداگوگيكالىق تاجىريبەلەر مەن ءتيىمدى ادىستەمەلەردى ترانسفەرتتەۋگە جانە تىرەك مەكتەپتەردىڭ قاجەتتى ماتەريالدىق-تەحنيكالىق بازاسىمەن قامتاماسىز ەتۋگە باعىتتالعان.
«بۇگىنگى زامان بالا تاربيەسىنە دە, ءبىلىم ساپاسىنا دا ءوز تالابىن قويۋدا. كوبىنە ەركىندىكتى قاجەت ەتەدى. بۇرىن وقۋشى قويىلعان تاپسىرمانى تولىعىمەن ورىنداۋى ماڭىزدى ەدى. جاڭا مەتوديكادا بالانىڭ ەركىندىگىنە, شىعارماشىلىعىنا, قابىلەتىنە قاراي بەيىمدەلۋى ماڭىزدى. ءبىلىم بەرۋدى تۇراقتى دامىتۋ قورىنىڭ جانە جوبا سەرىكتەسى «نازارباەۆ زياتكەرلىك مەكتەبىمەن» بىرلەسكەن «اۋىلدىق ايماقتاردا تىرەك مەكتەپتەرىنىڭ الەۋەتىن ارتتىرۋ» جوباسى اياسىندا وتكىزگەن تاجىريبە الماسۋ ءبىزدىڭ مۇعالىمدەرىمىزدى كوپ نارسەگە ۇيرەتتى. ءتىپتى وقۋشى ءۇشىن عانا ەمەس, مۇعالىمنىڭ وزىنە دە وقۋ پروتسەسى الدەقايدا ءتيىمدى ءارى جەڭىل بولا باستادى», دەدى مەكتەپ ديرەكتورى راحات نىعمەتبەكقىزى.
«اۋىلدىق ايماقتارداعى تىرەك مەكتەپتەرىنىڭ الەۋەتىن ارتتىرۋ» جوباسى اياسىندا 22 وقۋ كابينەتى مەن قوسىمشا ءبىلىم بەرۋ شەبەرحانالارى جابدىقتالعان. پاندەر مەن باعىتتار بويىنشا وقۋ كابينەتتەرىمەن بىرگە قوسىمشا ءبىلىم بەرۋ كابينەتتەرى – STEM-زەرتحانا, ارت-ستۋديا, تەلەستۋديا, وقۋشىلارعا ارنالعان كوۆوركينگ ايماعى بار كىتاپحانا جاراقتاندىرىلدى.
ايتس كەتسەك, «قازاقستان حالقىنا» قورى جاباعا 249 825 000 تەڭگە بولگەن.
قازىرگى ۋاقىتتا مەكتەپتە 53 مۇعالىم جۇمىس ىستەپ, 402 بالا وقيدى. قور وسىلايشا ە.سيقىموۆ اتىنداعى مەكتەپ قۇزىرەتتىلىك ورتالىعىنا جانە جاقىن ماڭداعى شاعىن جابدىقتالعان مەكتەپتەر ءۇشىن تىرەك مەكتەپ اتانۋى كەرەك ەكەنىن اتاپ ءوتتى. ماتەريالدىق-تەحنيكالىق بازانى نىعايتۋ, ادىسنامالىق كومەك كورسەتۋ وقۋشىلار مەن ۇستازداردىڭ تاجىريبەلىك بىلىمدەرى مەن داعدىلارىن ارتتىرۋعا مۇمكىندىك بەرەدى.
«ەڭ الدىمەن, قازاقستان حالقىنىڭ باسىم بولىگى اۋىلدىق جەردە تۇراتىنىن ۇمىتپاۋىمىز كەرەك. سوندىقتان اۋىل وقۋشىلارى قالا بالالارى سياقتى ءتۇرلى مۇمكىندىككە يە بولۋى كەرەك. بۇگىندە ءبىز تىرەك مەكتەپتەردى دامىتۋمەن اينالىسامىز, ويتكەنى ونسىز اۋىل ءبىلىمىن كوتەرۋ تىپتەن مۇمكىن ەمەس. جوبا قازىر قازاقستاننىڭ 17 وبلىسىن قامتيدى, وندا 13 000-عا جۋىق بالا وقىپ, 2 000-عا جۋىق مۇعالىم جۇمىس ىستەيدى», دەپ اتاپ ءوتتى ءبىلىم بەرۋدى تۇراقتى دامىتۋ قورىنىڭ ديرەكتورى دانيار توقتارباەۆ.
بۇل ماقساتقا 4 ملرد 250 ملن تەڭگە (1 مەكتەپكە 250 ملن تەڭگە ەسەبىنەن) بولىنگەن. بۇگىنگى تاڭدا اقمولا (قاتاركول ا., دوسوۆ ات.وم.), پاۆلودار (ەرتىس ا., № 1 ەرتىس وم) قوستاناي (سارىكول ا., ۋريتسكي وم.), قاراعاندى (اقتوعاي ا., ك.بايسەيىتوۆا ات.وم.), اباي (اياگوز ق., قالالىق كوپبەيىندى قازاق مەكتەپ-گيمنازياسى), ۇلىتاۋ ( ۇلىتاۋ ا., ۇلىتاۋ جالپى ءبىلىم بەرەتىن وم. №1), شىعىس قازاقستان (مارقاكول ا., №1 وم), جەتىسۋ (جانسۇگىروۆ ا., ە.سيقىموۆ ات.وم) وبلىستارىندا 8 تىرەك اۋىلدىق مەكتەپ جاراقتاندىرىلىپ, ۇستازدارعا ارنالعان وقۋلار وتكىزىلىپ جاتىر.
ءىس-شارا «اشىق ەسىك كۇندەرى» فورماتىندا ءوتتى. وعان پارلامەنت سەناتى دەپۋتاتى امانگەلدى تولەمىسوۆ, اۋىل اكىمدىگى مەن بەلسەندى ازاماتتارى, بۇقارالىق اقپارات قۇرالدارىنىڭ وكىلدەرى, جوبا دەمەۋشىلەرى مەن سەرىكتەستەرى قاتىستى.
