قازىر قازاقستاننىڭ استىق تاسىمالداۋشىلارىنا ارنالعان تەحنيكالىق پارك 10,5 مىڭنان اسادى. ونىڭ ىشىندە تاسىمالداۋ قىزمەتىن ۇسىناتىن «استىق ترانس» اق-نا (جەكەمەنشىك كومپانيا) 4 750 ۆاگون تيەسىلى. جىلجىمالى قۇرامنىڭ بۇل مولشەرى جۇك جونەلتۋشىلەردىڭ قازىرگى سۇرانىسىن تولىق كولەمدە قامتاماسىز ەتۋگە قاۋقارلى. وسى ورايدا «استىق ترانس» كومپانياسى ەلىمىزدىڭ ىشكى نارىعىنداعى استىق تاسىمالداۋ قىزمەتىن 98%-عا قامتىپ كەلە جاتقانىن اتاپ وتكەن ابزال.
ۆاگونداردى تارتىپ, تازالاۋ ءۇشىن «قتج» ۇك» اق-نىڭ 130-عا جۋىق مانەۆرلى لوكوموتيۆى مەن جەكەمەنشىكتەگى 767 لوكوموتيۆ جۇمىلدىرىلعان. اتالعان نارىق تولىعىمەن ىرىقتاندىرىلىپ, باسەكەلەستىك ورتاعا بەرىلگەنىن ايتا كەتكەن ورىندى.
تەمىرجول ارقىلى تاسىمالداۋ تاريفتەرىنە توقتالساق, شويىن جولمەن جۇكتەردى جەتكىزۋگە بايلانىستى تاريف كەلەسىدەي تارتىپپەن قالىپتاسادى. اتاپ ايتقاندا, ونىڭ قۇنى ماگيسترالدى تەمىرجول جەلىسى (مجس) مەن لوكوموتيۆتى تارتۋ (لت), سونداي-اق جۇك جانە كوممەرتسيالىق جۇمىستىڭ (جك) قىزمەتتەرىنە بايلانىستى.
جۇك ۆاگوندارىن جالداپ, پايدالانۋ قىزمەتتەرىن ۇسىنۋ نارىعىندا تاريفتىك جانە تاريفتىك ەمەس رەتتەۋ قۇرالدارى قاراستىرىلماعانىن ايتا كەتۋ كەرەك. ونى باسەكەلەستىك ورتادا نارىق ءوزى رەتتەيدى.
