«جاستار» تەاترىندا 29 جەلتوقسان كۇنى تۇستەن كەيىن «زولۋشكا» ەرتەگىسىن كورسەتەتىن جاڭاجىلدىق ەرتەڭگىلىكتەر ۇيىمداستىرىلادى.
قۋىرشاقتار تەاترى 28-30 جەلتوقسان كۇندەرى كورەرمەندەرگە ارناپ «جاڭا جىل» قۋىرشاق شوۋىن وتكىزەدى.
29 جەلتوقساندا ساعات 11:00 جانە 15:00-دە مەملەكەتتىك اكادەميالىق فيلارمونيادا «قوياندار» اتتى جاڭاجىلدىق شوۋ-سپەكتاكل وتەدى.
سول كۇنى ساعات 10:00, 12:30 جانە 15:00-دە, سونداي-اق 30 جەلتوقساندا ساعات 12:30-دا «جاستار» سارايى جاڭاجىلدىق «قوياندى كىم ۇرلاپ كەتتى؟» اتتى ەرتەڭگىلىكتەرىن, سول سياقتى وقۋشىلارعا ارنالعان ديسكوتەكا وتكىزەدى.
ساعات 11:00-دە ساكەن سەيفۋللين مۇراجايى №80 مەكتەپ وقۋشىلارىمەن كەزدەسۋ وتكىزەدى.
QAZAQSTAN وكز ساحناسىندا ساعات 19:00-دە Neprosto orchestra كونتسەرتى وتەدى. وسى ۋاقىتتا «استانا وپەرا» مەملەكەتتىك وپەرا جانە بالەت تەاترى بالنۇر قىدىربەكتىڭ «قالقامان-مامىر» وپەرا-بالەت پرەمەراسىن ۇسىنادى.
29, 30 جانە 31 جەلتوقسان كۇندەرى ساعات 19:00-دە «استانا بالەت» تەاترىندا پەتر چايكوۆسكيدىڭ «ششەلكۋنچيك» قويىلىمى كورسەتىلەدى.
31 جەلتوقساندا ساعات 11:00 جانە 13:00-دە مۋزىكالىق جاس كورەرمەن تەاترىنىڭ ساحناسىندا ۋفيمتسەۆتىڭ «ششەلكۋنچيك» ەرتەگىسىنىڭ پرەمەراسى وتەدى.
سول كۇنى ساعات 12:00-دەن 16:00-گە دەيىن «جاڭا جىل – جاڭا جول» كونتسەرتى ەلوردانىڭ بارلىق اۋدانىنىڭ ەلدى مەكەندەرىندە, ناقتىراق ايتقاندا كيرپيچنىي, ءوندىرىس, كوكتال, ۇركەر, ينتەرناتسيونالنىي ەلدى مەكەندەرىندە ۇيىمداستىرىلادى.
قالالىق الاڭدا, «ەكسپو» كورمە ورتالىعىنىڭ جانىنداعى الاڭدا, «قازاق ەلى» مونۋمەنتىنىڭ جانىندا ساعات 22:00-دەن 3:00-گە دەيىن كەشكى مەرەكەلىك كونتسەرت وتەدى.
جاڭا جىل قارساڭىندا ساعات 00:00-دە استانادا دەمەۋشىلىك قاراجات ەسەبىنەن ساليۋت ۇيىمداستىرىلادى.
ساليۋت ەكى ورىندا وتەدى. ونى ەسىل وزەنىنىڭ جاعاسىنداعى كەنەسارى حان ەسكەرتكىشى ماڭىنان, بوتانيكالىق باقتان, قابانباي باتىر مەن بۇقار جىراۋ داڭعىلدارىنىڭ قيىلىسى اۋماعىنان كورۋگە بولادى.
ساليۋت بيىكتىگى: تومەنگى 70 مەتر, ورتاشا 120 مەتر, جوعارعىسى 180-210 مەتر. بارلىعى 3,5 مىڭ وق اتىلادى.
