قۇجاتتىڭ ماقساتى - سىبايلاس جەمقورلىققا قارسى ءىس-قيمىل تۋرالى زاڭنامانى ودان ءارى جەتىلدىرۋ جانە سىبايلاس جەمقورلىققا قارسى كۇرەستىڭ ءتيىمدى جۇيەسىن قالىپتاستىرۋ. زاڭ جوباسى قازاقستان رەسپۋبليكاسىنىڭ 3 كودەكسىنە جانە 8 زاڭىنا وزگەرىستەر مەن تولىقتىرۋلار ەنگىزۋدى كوزدەيدى.
زاڭ جوباسىمەن مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامداردىڭ, ولارعا تەڭەستىرىلگەن ادامداردىڭ, سونداي-اق «سىبايلاس جەمقورلىققا قارسى ءىس-قيمىل تۋرالى» قازاقستان رەسپۋبليكاسىنىڭ زاڭىندا كوزدەلگەن وزگە دە ادامداردىڭ شىعىستارى مەن كىرىستەرىنىڭ مولشەرلەس بولۋىن باقىلاۋ, سىبايلاس جەمقورلىق قىلمىستارىنىڭ تىزبەسىن كەڭەيتۋ ماسەلەلەرى, سونداي-اق سىبايلاس جەمقورلىققا قارسى ءىس-قيمىلعا جاردەمدەسكەن مەملەكەتتىك قورعاۋعا جاتاتىن ادامدارعا قاتىستى قاۋىپسىزدىك شارالارى رەتتەلەدى.
زاڭ جوباسى قابىلدانعاندا مەملەكەتتىڭ سىبايلاس جەمقورلىققا قارسى جۇرگىزىپ جاتقان ساياساتىنا حالىقتىڭ سەنىم دەڭگەيىن ارتتىرۋعا, ەلىمىزدىڭ الەۋمەتتىك-ەكونوميكالىق دامۋىنداعى جاعىمسىز كورىنىس بولىپ وتىرعان سىبايلاس جەمقورلىقتى ازايتۋعا, سونداي-اق قوعامدا سىبايلاس جەمقورلىققا توزبەۋشىلىك احۋالىن قالىپتاستىرۋعا مۇمكىندىك بەرەدى.
دەپۋتاتتار كوميتەتتىڭ كەڭەيتىلگەن وتىرىسىنىڭ قورىتىندىسى بويىنشا زاڭ جوباسىن پالاتانىڭ قاراۋىنا جىبەرۋ تۋرالى شەشىم قابىلدادى.
