الماتى وبلىسى پروكۋراتۋراسىنىڭ مالىمەتىنشە, ىلە, قاراساي, تالعار, ەڭبەكشىقازاق وبلىستارى مەن قوناەۆ قالاسى اكىمدىكتەرىنىڭ باسشىلارى اكىمشىلىك جاۋاپكەرشىلىككە تارتىلدى. ولاردىڭ ارقايسىسىنا 100 اەك (306 300 تەڭگە) كولەمىندە ايىپپۇل سالىندى.
الماتى وبلىسى اۋماعىندا وزدىگىنەن پايدا بولاتىن 351 قوقىس ءۇيىندىسى انىقتالدى. اتاپ ايتقاندا, ەڭبەكشىقازاق اۋدانىندا – 61, ىلەدە – 91, قاراسايدا – 56, تالعاردا – 33 جانە قوناەۆ قالاسىندا – 85. ونىڭ ىشىندە 247 ۇيىندىلەر جويىلدى, 104-ءى جويىلمادى.
«جەرگiلiكتi اتقارۋشى ورگاندار تاراپىنان باقىلاۋدىڭ جوقتىعىنان ۇيiندiلەر ۇزاق ۋاقىت بويى جيناقتالادى, بۇل كوپتەگەن كەلەڭسiز زارداپتارعا اكەپ سوعادى: توپىراق پەن اۋانىڭ لاستانۋى, سانيتارلىق جاعدايدىڭ ناشارلاۋى», دەدى الماتى وبلىسىنىڭ پروكۋراتۋراسىنان.
سونداي-اق جەلتوقساننىڭ 26-سى كۇنى «نۇرلى جول» ۆوكزالىنىڭ ماڭىندا ءىرى گيپەرماركەت ماڭىندا رۇقسات ەتىلمەگەن مەديتسينالىق قالدىقتار ءۇيىندىسى انىقتالعان ەدى.
