2022 جىلعى 26 جەلتوقساندا ساعات 23.00 شاماسىندا 32 جاستاعى جۇرگىزۋشى ەكىباستۇز قالاسىنداعى كەنشىلەر كوشەسىمەن ءجۇرىپ كەلە جاتىپ, «ۆاز» ماركالى اۆتوكولىگىمەن اعاشقا سوعىلعان. اپات سالدارىنان 20 جاستاعى جولاۋشى وقيعا ورنىندا دەنە جاراقاتتارىنان قايتىس بولدى, ەكىنشى 29 جاستاعى جولاۋشى اۋرۋحاناعا جاتقىزىلدى», دەپ حابارلادى وبلىستىق پوليتسيا دەپارتامەنتىنەن.
مەديتسينالىق كۋالاندىرۋ قورىتىندىسىنا سايكەس, جۇرگىزۋشى ماس كۇيدە بولعان. سونداي-اق تەكسەرۋ كەزىندە ونىڭ اۆتوكولىك قۇرالدارىن باسقارۋعا قۇقىعى جوق ەكەندىگى انىقتالعان.
اۆتوكولىك مامانداندىرىلعان اۆتوتۇراققا قامالدى. بىرقاتار ساراپتاما تاعايىندالدى.
