الداعى سەنات وتىرىسىندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەت باسشىسىنىڭ جەكەلەگەن تاپسىرمالارىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارايدى.
زاڭ جوباسىندا حالىقتىڭ الەۋمەتتىك قامسىزداندىرىلۋىن جاقسارتۋ, بالالاردى مەكتەپكە دەيىنگى تاربيەلەۋ مەن وقىتۋدى ۇيىمداستىرۋ جانە قامتاماسىز ەتۋ, سونداي-اق اۋدانداردىڭ, رەسپۋبليكالىق ماڭىزى بار قالالاردىڭ جانە استانانىڭ ينجەنەرلىك جەلىلەرىن, اۆتوجولدارىن سالۋ جانە جوندەۋ ماسەلەلەرىنە قاتىستى نورمالار بار. بۇعان قوسا, قۇجاتتىڭ مىندەتتەرى جانار-جاعارماي ماتەريالدارىن ءبولۋ جۇيەسىن رەفورمالاۋ, «قازاقستان حالقىنا» قوعامدىق قورىنا اۋدارىمداردى ەسەپتەۋ, ۇكىمەتكە ەلدە وندىرىلەتىن, اكەلىنەتىن نەمەسە وتكىزىلەتىن الەۋمەتتىك ماڭىزى بار ازىق-ت ۇلىك تاۋارلارىنىڭ شەكتى باعالارىن بەكىتۋ بويىنشا قۇزىرەتتەر بەرۋ, سونداي-اق وزگە دە وزەكتى ماسەلەلەر قاراستىرىلعان.
سونىمەن قاتار پالاتا وتىرىسىنىڭ كۇن تارتىبىنە «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا ەنگىزىلدى.
اتالعان زاڭ جوباسى سوت جۇيەسىن, مەملەكەتتىك رامىزدەردى پايدالانۋ ءتارتىبىن جەتىلدىرۋگە, «استانا» حالىقارالىق قارجى ورتالىعىن دامىتۋعا جانە ونىڭ يۋريسديكتسياسىن پايدالانۋعا باعىتتالعان.
